الله الدكتور قالي روح … !!!ينفع يا دكتوره

استعرض الموضوع السابق استعرض الموضوع التالي اذهب الى الأسفل

الله الدكتور قالي روح … !!!ينفع يا دكتوره

مُساهمة من طرف مجرد انسان في الأربعاء فبراير 18, 2009 1:25 pm


انا احمد كمال من قنا
والله الموضوع دة حصل معاى حقيقى من 3 سنين كد وانا كانت فى قنا
الحكايه بدأت لما حكمت عقلي وقررت اني اروح للدكتور علشان اكشف طبعا
بس طبعا بعد كل يوم اقول بكرة اروح واتلكع شوية رحت اخيرا
وكان يوم السبت بعد ما اتعشيت فى البيت بس الساعة كام بقى ماعرفش … هو انا هاعرف ايه ولا ايه
لما رحت كانت الساعة 10 الا 10 بعد منتصف الليل بصوا بقى وفتحوا عنيكوا معايا هو الدكتور في الدور التالت وانا دخلت على الدكتور اللي في الدور التاني وانا طالع بقى ومنفتح شوية ودخلت بكل ثقة وبقول لو سمحت الدكتور موجود
قالي اه بس مين اللي هايكشف .. قولتله انا لقيته بيبص لبطني كده بطريقة غريبة وقال لا حول ولا قوة الا بالله
ايه ياعم فيه ايه مالك وكل اللي قاعد يبصلي ويضحك .. ايه ياجماعه حد يفهمني وبعد مداولات اكتشفت ان ده دكتور نسا وتوليد
وانا طالع كان فيه اتنين قاعدين على السلم واحد وواحده الظاهر كده والله اعلم بااابلاش اقول المهم كانو على السلم طيب انا اطلع ازاي مش عايز اقطع عليهم قعدتهم .. دخلت بكل زوقي واحترامي اللي كلكم عارفينه طبعا لو سمحتي عايز اعدي الواد بصلي كده زي مايكون بيقولي هو انا مش مالي عينك ولا ايه ياض .
اطلع فوق بقى اللي هو لادور التالت اللي المفروض الدكتور فيه وعينك ماتشوف الا النور كلي دي ناس اعصابهم تعبانه الف سلامة يا جماعه .. مانا اروح لامي احسن
ندهت على الممرضه كانت بنت صغيره كده قولتها لو سمحتي
قالت نعم بحقد كد زى واحدة معاى فى المنتدى المهم!!!
يامي انا بقولك لو سمحتي مش خدي يابت
عايز ايه مش ناقصاك هي كمان
خلاص ياستي بالراحة .. هو الدكتور موجود
اه موجود اترزع استنى دورك
اترزع ايه معاملة مرات الاب دي
… هو انا المفروض استنى الناس دي كلها
اه ياروح … هاتستناهم مش عاجبك
خلاص افوت عليكي بكرة
رحت تاني يوم بقى المرة دي وانا واطلع فوق
ايه ده هو انا دخلت غلط ولا ايه .. عكس اللي شوفته امبارح نهائي العياده فاضيييييييية
مش شايف صريخ ابن يومين حتى ووقفت على الباب واخبط وانده دستووور .. ياهل الدار .. العواف .. ياللي هنا .. احم احم .. حد يعبرني يا جماعه
فجأه وبعد معاناه طلعتلي البت بتاعت امبارح فاكرينها طبعا اول ما شافتني مش هاقولكم رحبت بيا ازاي وقالت يافتاح ياعليم يارزاق ياكريم عايز ايه ياض
قولتلها شكراَ شكراَ هو الدكتور بييجي امتى لو سمحتي
قالتلي اهو موجود .. قولتلها طيب انا عايز اكشف
قالت اتزفت اقعد هنا
وانا قاعد منسجم الاقي حاجة كده كبيرة عدت من قدامي ويداه ملوثه بالدماء يوه قصدي الجبس ورايح جاي قدامي ويقولي دورك جاي ياحلو .. طبعا حاولت امشي بس على عين الانسة لقطتني وقالتلي هو دخول الحمام زي خروجة اقعد اقعد
وجاءت اللحظة الحاسمة ودخلت للدكتور وبعد الكشف والبتاع قولتله خير يا دكتور عندي ايه
قالي ولا حاجة قوم روح يالا
قولتله يعني اخد الفلوس اللي دفعتها قبل ما ادخل ولا ايه
قالي نعم يا تييييييت فلوس ايه يابو فلوس قوم روح يالا وخد العلاج ده وتعالى كمان اسبوع
اروح اجيب العلاج ابن ال … بيقولي مش عندك حاجة ومديني كميه علاج دهان ونوعين كسبول و3 حقن
انا عاوز رايك عاشقة جنات

مجرد انسان
عضو متميز
عضو متميز

عدد المساهمات : 272
تاريخ التسجيل : 10/02/2009
العمر : 35
الموقع : فنا ميدان السيد عبد الرحيم

http://dvd4arab.maktoob.com/showthread.php?t=493140

الرجوع الى أعلى الصفحة اذهب الى الأسفل

رد: الله الدكتور قالي روح … !!!ينفع يا دكتوره

مُساهمة من طرف عاشقة جنات في الأربعاء فبراير 18, 2009 1:37 pm

هههههههههههههههههه دة انت اتبهدلت

وانت ازاى تسيبهم يكلموك كدة

انا لو منك كنت سبت العيادة ومرحتش تانى

بس هى عيادة اية دى

_________________

عاشقة جنات
ViP
ViP

عدد المساهمات : 1121
تاريخ التسجيل : 02/12/2008
الموقع : www.jannatangels.com

الرجوع الى أعلى الصفحة اذهب الى الأسفل

رد: الله الدكتور قالي روح … !!!ينفع يا دكتوره

مُساهمة من طرف محمود الفنان في الأربعاء فبراير 18, 2009 1:46 pm

ربنا ينتعك بالسلامه يختى

محمود الفنان
ViP
ViP

عدد المساهمات : 1041
تاريخ التسجيل : 06/01/2009
العمر : 28
الموقع : http://ashekmeshary.ahlamontada.net/

http://ashekmeshary.ahlamontada.net/

الرجوع الى أعلى الصفحة اذهب الى الأسفل

رد: الله الدكتور قالي روح … !!!ينفع يا دكتوره

مُساهمة من طرف hamada.elalamy في الأربعاء فبراير 18, 2009 5:34 pm

الله يكون فى عونك

hamada.elalamy
ViP
ViP

عدد المساهمات : 3080
تاريخ التسجيل : 03/02/2009
العمر : 26
الموقع : مدينة القصير . البحر الاحمر

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى