يوميات صعيدى بيحب بنت ستايل ( قصه جامده )

صفحة 4 من اصل 6 الصفحة السابقة  1, 2, 3, 4, 5, 6  الصفحة التالية

استعرض الموضوع السابق استعرض الموضوع التالي اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف محمد عادل في الخميس فبراير 19, 2009 11:41 pm

جامد يا ابو صبرى

محمد عادل
ViP
ViP

عدد المساهمات : 6291
تاريخ التسجيل : 12/12/2008

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف حسين صبرى في الجمعة فبراير 20, 2009 12:47 am

شكرا ليك ياابو عادل على مرورك وردك , واخجلتم تواضعنا , وانا لست الا ما اعطانى ربى .

حسين صبرى
ViP
ViP

عدد المساهمات : 1374
تاريخ التسجيل : 09/12/2008
العمر : 29
الموقع : قنا _ شارع مصنع المكرونه على طريق مصر \ اسوان

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف حسين صبرى في السبت فبراير 21, 2009 2:38 am

الحلقه الـ 16


احمد ونور طلعوا يسيتريحوا وهيخرجوا مع بعض باليل

بعد وقت طويل احمد ونور قابلوا بعض بليل كده بعد المغرب وخرجوا مع بعض

احمد : تصدجي يا نور شوفي احنا بقلنا قد ايه مع بعض وانا مش عارف عنك اي حاجه

نور : بص يا سيدي انا اسمي نور عبدالله والدي شغال مدير بنك اوك ووالدتي اسمها مش مهم وشغاله في الجامعه

احمد : تصدقي اسم مامتك جامد مش مهم مين الذيذ الي سماها الاسم ده

نور : هههههههه يخربيت عقلك يا احمد اسمع بقه

احمد : اتفضلي خلاص

نور : وانا عندي اخت واحده اكبر مني ومسافره مع جوزها وقاعده في البيت لوحدي مع ماما وبابا وليا اخ صغير كده بس ايه عسل

احمد : ربنا يخلوهملك

احمد : بس قوليلي انتي دخلتي الكليه دي كان نفسك فيها ولا عشان مجموعك

نور : لا انا كان نفسي ادخلها عشان والدي يعني كده

احمد : اه

نور : وانت دخلتها ليه تلاقيك عشان المجموع

احمد : لا والله انا دخلتها عشان كان نفسي اخشها يعني شغلها كتير وفي جميع المجالات

نور : قولي صحيح يا احمد لما تيجي تتجوز ايه مواصفات البنت اللي انت نفسك تتجوزها

احمد : ايه السؤال المحرج ده بس ( بصي يا سيتي )

اولا لازم تكون مؤدبه جدا وجميله وتكون دمها خيف زيك كده

( نور وشها احمر واخضر وبتكلم نفسها دا كل المواصفات دي فيا وسرحت في كلام احمد)

احمد : وانتي يا نور بتحلمي جوزك يكون ازاي نور

نووووووووووووووووووووووور

انتي روحتي فين

نور : هه معاك ايوه كنت بتقول ايه

احمد : لا انتي كنتي فين يا بنتي بقولك بتحلمي جوزك يكون ازاي

نور : بص لازم يكون بيحبني مووووووت ويكون طيب وجميل ودمه خفيف

احمد : ( احمد بيضحك مع نور ) تصددقي المواصفات دي فيا يعني انفع ابقي جوزك

نور : ههههههههههههههههههههههههههه يا بن الايه انا نفسي في ايس كريم دا يا احمد

احمد : من عنيا يا نور

نور واحمد مشيوا كتير اوي وكلموا اكتر وراحوا المطعم بتاع الفندق اتعشوا وطلعوا ناموا

تاني يوم الصبح احمد ونور فطروا سوا وراحوا البحر

احمد : ايه يا نور انتي هتنزلي البحر

نور : طبعا يا ابني هو انا جايه هنا عشان اتفرج عليه

احمد : طيب خالي بالك من نفسك

نور : طيب انا بعرف اعوم خالي بالك انت من نفسك ( احمد علي فكره بيعوم علي قده )

احمد : الحقوني الحقوني الحقوني يا نووووووووووووووووووور بغرق

نور : ااااااااااااااااااااااااااااحمد

احمد : يا نوووووووووووووووووور الحقيني الحقيني ( واحمد قاعد يطبش باديه ورجليه وينزل ويطلع يا عيني يا احمد

نور : احمد انا جايه اهه امسك نفسك شويه

يا عيني نور كانت لسه بتغير هدومها مش لحقت نطط في الميه بهدومها وجت عند احمد لسه بتمسكه احمد اقعد يضحك ويعوم ونور يا عيني هتعمله ايه وزعلت منه ومشيت

احمد : خدي يا نور انا كنت بهزر معاكي بجد والله خدي بس مش تزعلي

نور : نور دي حركه تعملها فيا بردضه انا قلبي وقع في رجلي اخص عليك يا احمد

احمد : خلاص بقى يا نور المسامح كريم وانتي مش بتزعلي صح

نور : خلاص يا احمد محصلش حاجه بس مش تعملها تاني

احمد : اوعدك اني مش هعملها تاني اطلعي بقه غيري هدومك عشان مش تخدي برد والبسي كده اللي علي الحبل وانزلي عشان هعزمك علي غدوه جامده مووووووووت

( نور طلعت غيرت واحمد طلع لبس هو كمان اللي علي الحبل وراحوا فين)

( احمد ونور نزله وقابلوا بعض في الريسبشن )

نور : ايه بقي يا احمد الغدوه الجامده دي

احمد : لا دي مفاجاه هتعرفيها دلوقتي

نور : طيب يلا بسرعه عشان انا هموت من الجوع

احمد : اوك يلا تاكسي

<span style="color:#FF0000">التاكس : <span style="font-family:Times New Roman">where are you go ؟</span>

احمد : <span style="font-family:Times New Roman">see food ( بعيد عنكوا كده دا اكبر محل سمك في شرم )</span>

نور : وااااااااااااااو ايه المحل التحفه ده يا احمد

احمد : دي حاجه بسيطه كده عشان اعتزرلك علي الموقف اللي حصل الصبح

( نور بتقول في سرها ياريت تعمل الموقف دا كل يوم )

نور : موقف ايه يا احمد مافيش حاجه حصلت دا يدوب كان قلبي هيقف

احمد : بعد الشر عليكي علشان الخضه دي قولت اغديكي اكله جامده موووووووت

الجرسون : اوامرك يا افندم تطلب ايه

احمد : بص يا سيدي عايزين جميع انواع السلطات والمخللات

ثانيا بقي هات جميع انواع السمك اللي عندكوا ظبطنا يعني

ومتنساش الجمبري عشان الفوسفور يعني ظبطنا كده

الجرسون : اي خدمه تانيه يا افندم

احمد : شكرا متنساش اهم حاجه الميه بسرعه

نور : ايه الاكل دا كله يا احمد احنا هنقدر ناكل دا كله

احمد : ان شاء الله انا بقالي يومين مش باكل الاكل بتاع الفندق ده مش بيشبع خالص

احمد : قوليلي صحيح يا نور عقبال ما يعملوا الاكل انتي مش اتقدملك حد للجواز خطوبه يعني

نور : بيتقدموا والله يا احمد بس انا لسه صغيره مش بفكر في الكلام ده دلوقتي وبعدين انا لسه مش قبلك فارس احلامي يعني لسه شويه

احمد : عملتي خير والله جواز ايه دلوقتي انتي لسه صغيره

نور : وانت مش حاطط عينك علي حد

احمد : حاطط عيني علي الطفايه دي

نور : هههههههههههههههه يخربيت عقلك بجد والله

احمد : لسه والله يا نور مش قابلت الانسانه اللي بحلم بيها بس يعني في احتمال اني لاقتها

نور : وشها احمر واخضر وضرب الوان طيب ما تقولي مين دي

احمد : لا لسه شويه في الوقت المناسب هقولك

الجرسون : الاكل يا افندم

احمد ونور اكلوا بالهنا والشفا وشربوا بيبسى واتمشوا لغايه بليل ولفوا البلد وفضلوا يتكلموا كتير اوي مش عارف بيتكلموا في ايه المهم الاتنين روحوا وناموا

تاني يوم بقه صحيوا ونزلوا فطروا وراحوا البحر

احمد : صباح الخير يا نور

نور : صباح الخير يا احمد عامل ايه

احمد : المشي بتاع امبارح ده بوظلي رجلي المهم انتي هتنزلي البحر

نور : اه بس اوعي تعمل حركه امبارح

احمد : لا خلاص عيب مش هعملها تانى

احمد ونور نزلوا البحر وبيعموا فـ احمد وقف شويه ونور دخلت جوه من كتر الارهاق جالها شد عضل فكانت هتغرق نادت علي احمد واحمد منفضلها

يا خبر دى تور بتغرق

حسين صبرى
ViP
ViP

عدد المساهمات : 1374
تاريخ التسجيل : 09/12/2008
العمر : 29
الموقع : قنا _ شارع مصنع المكرونه على طريق مصر \ اسوان

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف SUN في السبت فبراير 21, 2009 8:14 pm

ها وبعدين ايه ال حصل

SUN
عضو ذهبى
عضو ذهبى

عدد المساهمات : 924
تاريخ التسجيل : 04/12/2008

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف الـ موناليزا في السبت فبراير 21, 2009 9:52 pm



ههههههههههههههههه.. قصة ظريفة.. بس مين اللي صعيدي..أحمد!! آمال لو كان بحراوي كان عمل أيه؟؟

كمل يا مان.. صحيح جيل مروشن..

الـ موناليزا
عضو فعال
عضو فعال

عدد المساهمات : 194
تاريخ التسجيل : 12/02/2009

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف محمود الفنان في السبت فبراير 21, 2009 10:06 pm

ههههههههههههه
وبعين فيك يا حسين يوسف شاهين

محمود الفنان
ViP
ViP

عدد المساهمات : 1041
تاريخ التسجيل : 06/01/2009
العمر : 28
الموقع : http://ashekmeshary.ahlamontada.net/

http://ashekmeshary.ahlamontada.net/

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف dr_mido_20012000 في الأحد فبراير 22, 2009 12:32 am

هههههه منتظرين نعرف عمل أيه البطل الشجاع احمد اكيد سابها تغرق
تحياتي
dr_mido

_________________
ليس المهم أن تكون خارقا لكي تتبت وجودك.إكتفي بالمشاركة الحسنة هي التي سوف ترقى بك زهاء العلالي

www.shabab4adab.yoo7.com
أدخل وشارك معانا النجاح في منتدي شباب كلية أداب بقنا

dr_mido_20012000
Admin

عدد المساهمات : 3191
تاريخ التسجيل : 11/11/2008
العمر : 25
الموقع : www.svuq.co.cc

http://www.svuq.co.cc

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف حسين صبرى في الأحد فبراير 22, 2009 4:37 pm

الحلقه الــ 17



احنا سيبنا نور بتغرق والحلقه خلصت مش مشكله نكمل



نور: اااااااااااااااااااااااحمد الحقني يا احمد الحقني بغرق

احمد فاكر نور بتردله المقلب اللي عمله فيها واحمد منفضلها

احمد : بطلي شغل عيال يا نور انا فاهم الحركات دي واحمد قاعد يضحك

بارد اوي احمد ده هو مش بارد هو عامل نفسه ناصح

نور : الحقوني الحقوني بغرق

نور بتغرق بجد وعماله يا عيني تطلع وتنزل وتشرب في ميه واتخنقت

احمد : نوووووووووووور

احمد عام باقصي سرعه ونور اغمى عليها واحمد زعلان اوي راح شيلها وطالع بيها علي الشط

احمد : نور نور اوعي تسبيني

واحمد بيخبط علي صدرها عشان الميه تطلع مافيش فايده

احمد جاب الاسعاف وراح بيها علي المستشفي

الاسعاف جه خد نور علي المستشفي وهناك عملوا الازم طلعوا الميه ورجعولها التنفس وبقت تمام بس لازم تفضل يومين كده

احمد يا عيني في المستشفي بهدوم البحر ودموعه في عينه وبيدعي لنووووور

احمد : دكتور خير

دكتور : خير يا ابني اتطمن الحمد لله هي بخير

احمد : الف شكر يا دكتور الف شكر ممكن ادخولها

دكتور : ممكن

احمد والدموع في عينه داخل علي نور وبكل رومانسيه

احمد : حمدالله علي السلامه يا نور وبيديها ورده

نور : مرسي يا احمد

احمد : انتي بعد الشر لو كان جرالك حاجه انا كنت هرمي نفسي في البحر

نور : متقولش كده انت برضه اللي انقذت حياتي

احمد : انتي اللي ردتيلي حياتي والله يا نور بعد ما تطمني الدكتور

نور : مرسي يا احمد

احمد : شدي حيلك بقي كده وقوميلنا بسلامه كده

نور : ان شاء الله احمد روح انت استريح انت شكلك تعبان

احمد : اسيبك وامشي مش هقدر وبعدين انا زي الفل اهو

صحاب نور عرفه اللي حصل جم بسرعه يطمنوا عليها

ريم : نور حبيبتي الف سلامه انا مصدقتش والله اول ما قالولي انتي كويسه

نور : انا الحمد لله كويسه

ريم : الحمد لله

ريم : انا متشكره جدا يا احمد عشان انقذت صحبتي

احمد : علي ايه يا ريم ماهي صاحبتنا كلنا برضه

ريم : عنددك حق يا احمد مرسي اوي

نور قعدت يومين في المستشفي وبعدين طلعت كان فاضل يوم واحد بس ويرجعوا

احمد وريم وصلوا نور للاوضه بتاعتها ونامت وتاني يوم الصبح

احمد : حمدالله علي السلامه يا نور

نور : الله يسلمك يا احمد والله انا مش عارفه ارد جميلك ده ازاي

احمد : جميل ايه بس هو في بينا جمايل بس علي فكره يا نور لو كان حصلك بعد الشر اي حاجه انا ماكنتش هسامح نفسي خالص

نور : متقولش كده يا احمد انت برضه الي انقذت حياتي

في منظر رومانسي تحت السماء صافيه والبحر الازرق والموسيقي في الفندق شغاله

احمد : بس يا نور تعرفي وانتي نايمه بتكوني جميله اوي

نووور وشها احمر وضرب الوان ومش عارفه تقول ايه

نور : مرسي يا احمد انت الاجمل والله

احمد قرب من نور وبص في عنيها

احمد بيبص لنور في عنيها وقرب منها اوى

ايه دا دا قرب يالهوي دا قرب خالص

ياااااااااااااااااااااالهوي احمد مسك ايد نور

يابختووووووووووووووووو

احمد : يا نور انا مش عارف لو كان جرالك حاجه انا كان ممكن يحصلي ايه

نور : ليه يا احمد بعد الشر عليك متقولش كده

احمد : بجد والله اصلك يا نور بقيتي كل حاجه في حياتي ومن غيرك مش كنت عارف هعمل ايه في حياتي غيرتي كل حاجه في حياتي

نور : عشان انت طيب والله بجد يا ميدو وبتحب بسرعه

احمد : ميدو تصدقي احلي كلمه ميدو سمعتها في حياتي

نور : خلاص يا سيدي ليك عليا مش اقولك غير يا ميدو

احمد : مرسي يا نور بس تصدقي يا نور بجد انا حلمت بيكي امبارح

نور : بجد يا احمد احكي بسرعه حلمت بايه

احمد : خير الله ما اجعله خير اننا ركبين طياره ومسافرين بيها مش مش عارف مسافرين فين المهم الطياره كانت بتقع

نور : يا لهوي هتموتني في الحلم يا احمد

احمد : بعد الشر عليكي

احمد : المهم اتخضيت عليكي رحت واخدك مبين ايديا ورحت بيكي كبينه الطياره انا اللي سوقتها ووصلنا الحمد لله

نور : طيب الحمد لله مش جرالنا حاجه

احمد : بس ايه كنتي لبسه حته فستان ابيض جميل

نور وشها نور من الفرحه و فرحت اوى اوى

نور : بجد يا احمد

احمد شاف ريم صاحبه نور جايه من بعيد زعل اوي

ريم : ازيكوا يا حلوين عامله ايه يا نور دلوقتي

نور : الحمد لله كويسه ميدو خرجني من الاوده وبنتمشي شويه

ريم : مين ميدو ده

احمد : انا يا ريم ميدو اصلي غيرت اسمي

ريم : هههههههههه بجد الف مبروك عئبالي لما اغيره

احمد : ههههههههه تغيريه هيبقى ايه ميدو بردو

نور : يخربيت عقلك يا ميدو صحيح يا ريم هتغيريه ليه

احمد : دا حتي الاسم دا وحش اوى قصدى حلو اوى اوى

ريم : انا اسمى وحش بردو يا احمد ماشي انا ماشيه وسيباكوا لوحديكو

نور : يا ريم بنهظر معاكي والله خلاص مش تزعلي

احمد : بنهظر والله يا ريم خلاص اؤمري اي طلب واحنا ننفذه عشان نصلحك بيه

ريم استغلت الفرصه و طلبت منهم طلب

استغلاليه

والمره الجايه نكمل والى اللقاء فى حلقه قادمه ان شاء الله .

حسين صبرى
ViP
ViP

عدد المساهمات : 1374
تاريخ التسجيل : 09/12/2008
العمر : 29
الموقع : قنا _ شارع مصنع المكرونه على طريق مصر \ اسوان

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف dr_mido_20012000 في الأحد فبراير 22, 2009 6:09 pm

هههههههههههههههه ربنا يصبر احمد شكلة هيضرب ريم علي الرخامة دي
منتظرين إن شاء الله
تحياتي
dr_mido

_________________
ليس المهم أن تكون خارقا لكي تتبت وجودك.إكتفي بالمشاركة الحسنة هي التي سوف ترقى بك زهاء العلالي

www.shabab4adab.yoo7.com
أدخل وشارك معانا النجاح في منتدي شباب كلية أداب بقنا

dr_mido_20012000
Admin

عدد المساهمات : 3191
تاريخ التسجيل : 11/11/2008
العمر : 25
الموقع : www.svuq.co.cc

http://www.svuq.co.cc

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف SUN في الأحد فبراير 22, 2009 6:43 pm

ههههههههههههههه
يا ترى ايه الطلب

SUN
عضو ذهبى
عضو ذهبى

عدد المساهمات : 924
تاريخ التسجيل : 04/12/2008

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف hamada.elalamy في الأحد فبراير 22, 2009 9:13 pm

ههههههههههههههههههههه

hamada.elalamy
ViP
ViP

عدد المساهمات : 3080
تاريخ التسجيل : 03/02/2009
العمر : 26
الموقع : مدينة القصير . البحر الاحمر

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف عمرو الديري في الإثنين فبراير 23, 2009 8:05 pm

ايه الحلاوه دى والله ماقسرت

عمرو الديري
عضو جديد
عضو جديد

عدد المساهمات : 22
تاريخ التسجيل : 21/02/2009

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف محمود الفنان في الإثنين فبراير 23, 2009 8:14 pm

وبعدين ياد يا حسين فيك

محمود الفنان
ViP
ViP

عدد المساهمات : 1041
تاريخ التسجيل : 06/01/2009
العمر : 28
الموقع : http://ashekmeshary.ahlamontada.net/

http://ashekmeshary.ahlamontada.net/

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف محمد عادل في الإثنين فبراير 23, 2009 8:28 pm

يا سحس دة انا بتابع المسلسل دة ولا اكنة مسلسل نور ومهند

محمد عادل
ViP
ViP

عدد المساهمات : 6291
تاريخ التسجيل : 12/12/2008

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف حسين صبرى في الإثنين فبراير 23, 2009 8:46 pm

الحلقــه الـ 18


احمد ونور بيهزروا مع ريم بس ريم زعلت و احمد و نور حبوا انهم يصالحوها فريم طلبت منهم طلب

ده اللى كنا واقفين عنده المره اللى فاتت

فاكرين يا بختوووووووووووووووو

ندخل فى الحلقه بقى

احمد : اؤمري يا ست ريم طلباتك اوامر بس ماتزعليش

ريم : ميرسي يا احمد انا هطلب منكوا طلب بصفتي جعانه دلوقتي عايزه اتغدي

احمد : بس كده يالهوي انا قولت هتقولي حاجه جامده خدي يا ستي <span style="font-family:Times New Roman">5 جنيه اهه جديده واتغدي برحتك عند اى واحد بتاع فول وطعميه جبيلك 16 سندوتش و كلى لحد ما تشبعى

نور : هههههههههههههههه اه صح روحى كلى فول و طعميه

ريم : بتضحكي عليا يا نور ماشي مكنش العشم

نور : الحق يا احمد دي زعلت بجد والله .. يا ريم بنهزر معاكي

احمد : بجد بهزر معاكي يا ريم انت بتزعلي بسرعه كده ليه خلاص يا ستي اختاري اي مكان نتغدي في وعلي حسابي كمان

ريم : ميرسي يا احمد انا نفسي في سمك اوي

احمد : بس كده يا سلام تؤمري يلا بينا هغديكوا غدوه تحلفوا بيها استنوني هنا ثواني

ريم : انت رايح فين يا احمد

احمد : ثواني اجيب حاجه واجي ثواني بصوا شايفين الصخره اللي هناك دي روحوا اعدوا عليها وانا جايلكوا حالا

احمد ساب نور وريم علي صخره علي البحر وطلع الاوضه بتاعته جاب سناره صيد كان جايبها معاه

كان بيصطاد بيها من الترعه اللي كانت عندهم فى البلد

مش مشكله احمد نزل بالسناره وسله صغيره كده عشان يحط فيها السمك

نور وريم شافوا احمد جاي من بعيد

نور : ايه ده يا احمد انت هتعمل ايه

احمد : زي ما انتي شايفه هصطاد سمك ونشوي هنا هيبقي اخر يوم لازم يبقي جاااااااامد مش احنا برضه ماشين بكره بالليل

ريم : اه صحيح فكرتني يا خساره كانت رحله جميله بس ده شكله هيبقي اجمد يوم بقى

نور : عندك حق يا ريم انا بحب الصيد اوي

احمد : هايبقي يوم جامد

سيبوا احمد ونور يصطادوا وتعالوا نشوف الحوار ده حصل فى البلد بتاعه احمد

ابو احمد : الواد يا حجه ولا بيسال فينا لحسن يكون جراله حاجه

ام احمد : انا عارفه الواد زي ما يكون في حاجه شغلته عنا ونسي نفسه يا خويا

ابو احمد : احنا لازم نتصل بيه

ام احمد : بس هنتصل بيه ازاي بس

ابو احمد : هو مش سايب معاكي رقم الشجه اللي ساكن جصادها

ام احمد : اه والنبي دا سيبها معايا استني اخش اجيبها

ابو احمد : هاتي اما نتصل بيه نشوفه فين ونطمن عليه

والحج اتصل ودار حوار جامد اوى

الحاج ابو احمد والحاجه جابوا الرقم واتصوا بالوليه اللى بتوحوح لو فاكرين

الحج : شجه الست عطيات

عطيات دي الوليه الي ساكنه في الشقه الي ادام احمد

( حبيت اوضح علشان عارف الغباء اللى هاشوفه Razz )

عطيات : ايوه يا اخويا عايز مين

الحج : كنا عايزين نكلم احمد هو هنا

عطيات : يالهوي هنا فين يا حج مش عيب دا انا ست لوحدي واخاف علي سمعتي

الحج : يا ست الشريفه مش جصدي انا جصدي تنديه من شجته هو مش ساكن هنا برضه

عطيات : ايوه يا خويا ساكن هنا بس هو مش هنا الندل ده وانت مين يا اخويا

الحج : انا ابوه هو مش هنا ليه

عطيات : ابوه يا اهلا يا اهلا العمده يا مراحب يا حج

الحج : اهلا بيكي يا ست هو مش موجود

عطيات : لا يا اخويا دا مسافر شرم الشيخ ولسه ما جاش

الحج : يالهوي كفر الشيخ يعمل ايه هناك

عطيات : يا حج شرم شرم الشيخ بتاعت الاجانب والسياح ده مصيف يعني

الحج : زي جمصه كده

عطيات : ايوه زي جمصه كده بس شرم دي بتاعت الناس الهاي اوي والاجانب

الحج : ايوه ايوه يا عيب الشوم بتاعت البنات المش لابسين هدوم

عطيات : ايوه يا حج شوفت وواخد معاه واحده صاحبته هي اللي هتبوظه يا حج

عطيات مفروسه من نور عشان احمد مهتم بيها ومنفضلها

الحج : واحده

عطيات : اه والنبي يا خويا رايح مع واحده زميلته في الجامعه هتبوظه

الحج : متشكرين يا ست عطيات والنبي لما يجي ابجي شيعلنا تليفون عشان اجيله

عطيات : حاضر يا خويا

الحج ابو احمد بيضرب كف علي كف وبيكلم في نفسه وعطيات ضربت مهموز في احمد جامد اوي

سيبك بقي من الحج وعطيات وتعالوا نشوف احمد ونور وريم عملو ايه مع الصيد

نور : هههههههههههه واحده كمان اهه يا احمد شد السناره بقى

احمد : شكلكوا مرزقين يا بنات انا عمري ما صطدت سمك بالكميه دي ما شاء الله

نور : كفايه كده يا احمد وتعالوا نشويهم بقي

احمد : استني كمان شويه اخر واحده عشان كل واحد ياخد خمسه عشان ريم دي شكلها جعانه وممكن تاكلنا

ريم : اه والله يا احمد انا جعانه مووت اهه يا احمد جيبها بقي

احمد : حاضر ههههههههههههههههههه بصي يا نور نصيب ريم طلع ايه

نور : هههههههههههههههه انتي هتكلي دي ههههههههههههههههه

ريم : كدا برضه يا نور تردي ان اكل الشىء ده

ماتخدوش فى بالكم اصلي معرفش احمد اصطاد ايه علشان انا ماكنتش معاهم لما يجي هبقى اسالوا

ياريتنى كنت معاااااااااااااهم

هههههههههههههههه رخم اوى انا عارف فى الحته دى

احمد : يلا يا ريم ويا نور حضروا الشوايه عشان نشوي السمك عشان انا جعان مووووووت

ريم : اه بسرعه يا نور عشان انا ممكن اكل احمد دلوقتي

نور : يالهوي تاكلي احمد لا انا خلصت اهه

احمد ونور وريم كله بالهنا والشفا واعدو شويه قدام البحر طبعا احمد مش عارف يكلم نور من الست ريم

أحمد : بس انا عاذرها والله اصلها مش ليها صاحبه غير نور هتقعد مع مين يعنى مع انها اموره بس يا خساره لو مكنتش اتعرفت على نور فى اول القصه يلا هعمل ايه بقى هقطع روحى

فـ ريم هتعمل ايه يعنى بتقضي معاهم شويه وتعد لوحدها شويه

بس علي فكره بيني وبينكوا انا ابتديت احب ريم اصلها طيبه اوي ووحيده و اموره و كده يعنى احم احم

ما علينا المهم نكمل بقى كلامنا بعد فاصل من المعاكسه فى ريم العسل و هما خلصوا اكل و كده

احمد : انا طالع بقي احضر شنطتي عشان بكره اكون فاضي

نور : اه صحيح ده احنا هنرجع بكره يخبر يلا يا ريم نطلع نحضر الشنط عشان بكره نخرج قبل ما نمشي و نكون مجهزين الشنط

ريم : اوك يلا بينا

احمد : انا عندي فكره وانتي يا نور بتحضري الشنط حطي ريم جوه شنطه عشان مش تقعد علي سلم الباص زي ما عملتها واحنا جايين و مش كانت لاقيه مكان تقعد

نور : ههههههههههه عندك حق يا احمد والله

ريم : عنده حق ده بدل ما تقوملي وتخليني اعد مكانك مش انت ولد و تتحمل

نور : لا في دي يا احمد عندها حق

احمد : يالهوي انتي تؤمري يا ريم ده انا ممكن اخلي الى فى الباص كله يجري وراه و مش يركب اصلا وانتي بس ركبه جوه وتقعدي علي كل الكراسي براحتك

ريم : اتريق اتريق

احمد : خلاص انا غلطان وهسيبك في الشنطه هههههههههههههه

نور : خلاص يا احمد دي مهما كان برضه صحبتي

احمد : خلاص يا نور علشان خاطرك انتي و علشان خاطر ريم

ريم : ميرسي يا احمد

احمد ونور وريم طلعوا يحضرو الشنط وناموا لغايه بالليل

و بعد لما صحيوا نزلوا اتعشوا وخرجوا شويه وبرضه ريم معاهم مش عارفين يتكلموا خالص

احمد بوظ القعده علي ريم ومشاها بذكاء على شان يعرف يكلم نور

والمره اتلجايه نكمل ان شاء الله ......................

حسين صبرى
ViP
ViP

عدد المساهمات : 1374
تاريخ التسجيل : 09/12/2008
العمر : 29
الموقع : قنا _ شارع مصنع المكرونه على طريق مصر \ اسوان

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف dr_mido_20012000 في الإثنين فبراير 23, 2009 10:55 pm

هههههههههههه يالا يا حسين منتظرين الحلقة اللي جاية بسرعة
تحياتي
dr_mido

_________________
ليس المهم أن تكون خارقا لكي تتبت وجودك.إكتفي بالمشاركة الحسنة هي التي سوف ترقى بك زهاء العلالي

www.shabab4adab.yoo7.com
أدخل وشارك معانا النجاح في منتدي شباب كلية أداب بقنا

dr_mido_20012000
Admin

عدد المساهمات : 3191
تاريخ التسجيل : 11/11/2008
العمر : 25
الموقع : www.svuq.co.cc

http://www.svuq.co.cc

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف SUN في الثلاثاء فبراير 24, 2009 12:53 am

ياترى عمل ايه احمد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يلا يا حسين بسرعه

SUN
عضو ذهبى
عضو ذهبى

عدد المساهمات : 924
تاريخ التسجيل : 04/12/2008

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف حسين صبرى في الثلاثاء فبراير 24, 2009 4:34 pm

الحلقــه الـ 19


احمد بوظ القعده علي ريم ومشاها بذكاء على شان يعرف يكلم نور

احمد بقي هيعمل ايه فضل احمد يفكر ويفكر هيعمل ايه علشان يمشي ريم دي وفي الاخر وصل لحل ظريف اوي

تعالوا نشوف ايه الحل الى احمد وصلوا

اتصل بالتليفون في الاوضه الى فيها نور وريم

احمد : ازيك يا نور

نور : الحمد لله تمام يااحمد انت عامل ايه

احمد : اهي ماشية الحمد لله هتعمل ايه يعني

نور : هي ايه الى هتعمل ايه يا احمد انت مالك مش مركز ليه

احمد : والله يا نور مضايق شويه

نور : خير يا احمد في ايه

احمد : بصراحه كدا بصراحه يعني

نور : ها يا احمد عايز تقول ايه

احمد : كنت عايز أقعد معاكي شويه لوحدنا بس الست ريم مش مدينا فرصه

احمد بيعمل كدا ليه علشان نور تفكر معاه ازاي تخلي ريم تشوف حاجة تعملها بدل مهي معكننة عليهم كدا ومش مخلايهم عارفين يقعدوا مع بعض

نور : ليه يااحمد عايز تقول حاجه ؟

احمد : كلام كتير والله يا نور بس مكنتش عارف ابدأ ازاي

نور فرحت طبعا من كلام احمد

نور : خلاص يا احمد تعال نفكر نعمل فيها ايه علشان ننزل نقعد مع بعض شويه قبل ما نسافر

احمد : اه مهو دا الى مضايقني وخصوصا اني مش عارف هشوفك تاني امتى لاني عايز اسافر البلد شويه

نور : طيب تعال ننزل دلوقتي وهي ملخومة في ترتيب الشنط هقولها راحه اشتري حاجه وراجعه

احمد : يلا بينا يا نور بس علشان خاطري مش تتأخري علشان عايزك في موضوع مهم

نور : اوكي يااحمد هنزل دلوقتي حالا

نزلت نور وهي لسه واقفه قدام الرسبشن علشان تسأل علي احمد لاقى احمد بينادلها

نووووووووووور نووووووووووور نووووووووووووور

نور : نعم يااحمد خيرر

احمد : انا عايزك اقولك علي حاجه ضروري يا نور واتكلم معاكي كتييييييير قبل معملها

نور : اتفضل قول يااحمد

احمد : بصي يا نور انا هكون صريح معاكي وانتي عارفه انك اقرب حد ليا في البلد دى

نور : اتكلم يا احمد انت قلقان ليه كدا ومتوتر ليه ؟

نور وشها احمر حاسه بالي احمد عايز يقولوا

احمد : نور بصي عندنا في البلد الى بيكون بيصيف بيجيب مشبك وهوه راجع وانا معرفشي محلات بتبيع مشبك هنا

( المشبك اللى بيتاكل مش المشبك بتاع الغسيل ده )

نور : احمد ايه الى انت بتقولوا دا

احمد : والله يا نور مكسوف منك مووووووت

نور : هوه دا الموضوع الى كنت عايزني فيه يا احمد

احمد : اه يا نور امال انتي كنتي فاكرة ايه ؟

نور : احمد انت جاي شرم الشيخ علشان تشتري مشبك

احمد : امال هما بيجوا ليه ؟

نور : احمد مش معقول كدا

احمد : نور مش انتي قولتلي ان شرم الشيخ دي زي راس البر وجمصة ؟ ولا انتي هترجعي في كلامك وشكلك مش عايزه تسعديني

نور : اوووووووووووووووووووووووووووف

وسابت احمد ومشيت واحمد طبعا استغرب من الى حصل هوه شايف ان الموضوع طبيعي لكن نور طلعت منهارة وعماله تعيط فطلعت فوق لقت ريم هى كمان بتعيط حاولت تهدي نفسها علشان تعرف تكلم ريم

في نفس اللحظه احمد قال يعمل تليفون طالما نور مش عايزه تساعدة هيتصل بمين بمين بمين ؟؟

بعطياااااااااااااااااات

احمد : الووووو

جارته : ايوة مين

احمد : انا جارك يا ست عطيات

جارته : اهلا يامومو عامل ايه

احمد : مومو مين ياستي بقلك انا احمد جارك اللى منتيل على عينه وساكن قصادك

جارته : ايوة يا مومو ما انا بدعلك

احمد : وتدلعينى بتاع ايه انتى

جارته : ايه انت لسه مجتشي من المصيف

احمد : لا انا جاي بكره ان شاء الله انا متصل بيكي بخصوص الموضوع دا

جارته : خير يا مومو عايز فلوس ولا عايز ايه ؟

احمد : لا مستوره والحمد لله انا كنت عايزك اسالك سؤال بسيط كدا

جارته : قول يا حبيبي قول

احمد : تعرفي محلات مشبك في شرم اشتري مشبك لبويا وامي

جارته : ههههههههههههههيههههههههههههههههههههههههههه

احمد : بتضحكي علي ايه يا ولية انتي

جارته : اه يا مومو عارفه

احمد : والله هجبلك ربع كيلوا وانا جاي بس قوليلي فين مكانه

جارته : انت عارف وانت جاي من شرم

احمد : لا عارف وانا جاي من بلدنا متخلصي يا ولية انتي

جارته : قول للسواق نزلني عند بتوع المشبك هههههههههههههههههههههه

احمد : بجد يا ست عطيات

جارته : ايوه يا حبيبي بجد

احمد : طيب سلام

نرجع بسرررعه علشان نعرف ريم كانت بتعيط ليه

نور : مالك يا ريم

ريم : مفيش يا نور انتي كنتي فين ؟

نور : كنت تحت بشتري شويه حاجات

ريم : اه سألت عليكي بتاع الرسبشن قالي انك خرجتي مع احمد

نور : بصت ليها كدا وراحت معيطه

ريم : بتعطتي ليه دلوقتي مع انك كنتي مع احمد يعني

نور : تقصدي ايه يا ريم بالي بتقوليه دا

ريم : مقصدش حاجه هانت اهي وكل حد فينا يروح لحالة

نور : انا مش مطمنه لكلامك دا يا ريم ياريت توضحي كلامك

ريم : لا كلام ولاحاجه يا نور انا هنزل اتمشي شوية

نور : طيب براحتك مهي العمليه نقصاكي اصلا

ريم : انا نازلة

المهم ريم نازلة علي السلم فوقعت رجليها وجعتها واحمد كان داخل بالصدفه الفندق

احمد : يانهاار مدوحس دي ريم ولا ايه ؟؟؟؟

بتاع الامن : والله معرفشي حضرتك

احمد : وانت مالك يا عم هوه حد كان سألك

بتاع الامن : سوري حضرتك كنت فاكرك بتكلمني

احمد : اروح اشوف البت دي حصل فيها ايه

اوعوووا يا جدعااان جحا اولي بلحم طوووورة اوعوو بس انا هشوفها

احمد : ريم مالك

ريم : رجلي بتوجعني يااحمد

المهم احمد سمع الكلمتين دول ونسي المشبك ونسي الدنيا كلها

وشال ريم ( اخوي يعني ) وراح بيها المستشفي

نرجع بسرررعه لنوررررر

نور : ياتري ريم زعلانه ليه ؟ اممممممم مش عارفه ربنا يستر وميكونشي عملت حاجة تزعلها دي بردوا صاحبتي ومش عايزاها تزعل مني

وفي نفس الوقت كان في حوار صغير كدا في البلد عند احمد بين ابوه وامه

ابووه : شوفتي يا وليه الواد تريبتك النجصه سايب دراسته وعمال يتسرمح في شرم الشيخ مع البنات الى لبسه هدوم مجطعه

امه : يا حج .. احمد مش صغير اكيد بس بيغير جووو زي زمايله وانت عارف ان الطلبه بتغير من بعضيها

ابووه : مكان جه غير جو في الترعه حدانا او في المصرف الى في اخر البلد

امه : هتلاجيه نسي يا حج

ابووه : ده انا لما يجي هشوف شغلي معااه علي شان ميعملش كدا تاني

امه : ربنا يجيبوا بالسلامة بس وبعد اكده ابجي اقطع رجبته

ابووه : وهيجي ليه بجي لما انا هجطع رجابته يا وليه انا خايف عليه

امه : ما انا عارفه يا حج ربنا يخليهولك يارب

ابووه : يا وليه اعملينا صنيه البطاطس علشان هموت من الجوع

امه : عنيا يا حج

ابووه : تسلم عنيكي يا غالية

وقامت تعمل صنيه البطاطس

ابووه : ياتري يابني عامل ايه مع الحريم الي لابسه من غير هدوم في شرم الشيخ

جتنا نيله في حظنا الهباب قاعد في وش الوليه دي ليل ونهار مش عارف اشوف غيرها

الواد دا مكنش جال كنت روحت معاه اتفرجتلي يومين ولا حاجه

لا والمصيبه الاكبر جارته يالهوي علي ضحكتها مسخرررة بجد يعني

يارتني كنت انا الى ساكن عندها

وبسرعه نروح تانى لريم في المستشفي

ريم : اه .... اه ..... اه يا رجلي

احمد : حمدالله علي السلامة ياريم

ريم : الله يسلمك يااحمد هوا انا فين

احمد : في بيتك ومترحك يااختي هههههههههههه

ريم : لا بجد يا احمد انا فين

احمد : في المستشفي يابنتي

ريم : وانا ايه الى جابني هنا انا كنت كنت كنت والله مانا فاكرة

احمد : ايه دا يا ريم انتي فقدتي الذاكرة

ريم : يااحمد متهزرش

احمد : حاضر يا ريم انتي وقعتي من علي السلم ورجليكي اتكسرت وانا شيلتك وجبتك هنا علي الله يطمر فيكي بقي

ريم : ميرسي يااحمد علي زوقك وعلي انك جبتني هنا

احمد : وميرسي دي اصرفها منين هتيلي حاجه ساقعه احسن وياريت باكو بسكوت شمعدان ونص كيلو مشبك لابويا

ريم : انت بتقول ايه يااحمد ؟ مش فاهمة منك حاجه

احمد : لا لا متخديش في بالك

ريم : طيب

احمد : طيب معاكي علي رأى خالتك سميرة سعيد

ريم : ههههههههههههههه ماشي يا خفة

سكتوا الاتنين فترة كده وريم عاملة تبص في عنين احمد واحمد مركز في وشها اوي

وفجأه احمد قالها









ريم











ريم










ريم








ريم






والمره الجايه ان شاء الله نعرف ايه قالها .................

حسين صبرى
ViP
ViP

عدد المساهمات : 1374
تاريخ التسجيل : 09/12/2008
العمر : 29
الموقع : قنا _ شارع مصنع المكرونه على طريق مصر \ اسوان

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف SUN في الثلاثاء فبراير 24, 2009 4:53 pm

بسرعه يا حسين عاوزه اعرف قالها ايه Question Question

SUN
عضو ذهبى
عضو ذهبى

عدد المساهمات : 924
تاريخ التسجيل : 04/12/2008

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف حسين صبرى في الثلاثاء فبراير 24, 2009 4:59 pm

يادى السرعه اللى موديانا فى داهيه , واحده واحده يا صن . على فكره المسلسل خلاص قرب يخلص .

حسين صبرى
ViP
ViP

عدد المساهمات : 1374
تاريخ التسجيل : 09/12/2008
العمر : 29
الموقع : قنا _ شارع مصنع المكرونه على طريق مصر \ اسوان

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف SUN في الثلاثاء فبراير 24, 2009 5:03 pm

ليه بس خلاص مد فيه شويه اصله حلو اووووووى

SUN
عضو ذهبى
عضو ذهبى

عدد المساهمات : 924
تاريخ التسجيل : 04/12/2008

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف محمد عادل في الثلاثاء فبراير 24, 2009 7:53 pm

يخلص طيب مش هيتعاد على بانورما دراما 1 ولا 2 ههههههههههههههههههههه
هههههههههههههه رخامة صح

محمد عادل
ViP
ViP

عدد المساهمات : 6291
تاريخ التسجيل : 12/12/2008

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف dr_mido_20012000 في الثلاثاء فبراير 24, 2009 10:07 pm

هههههه يالا عايزين باقي القسة والحلقات هتتعاد مرة تاني علي دريم يا محمد يا عادل في رمضان
تحياتي
dr_mido

_________________
ليس المهم أن تكون خارقا لكي تتبت وجودك.إكتفي بالمشاركة الحسنة هي التي سوف ترقى بك زهاء العلالي

www.shabab4adab.yoo7.com
أدخل وشارك معانا النجاح في منتدي شباب كلية أداب بقنا

dr_mido_20012000
Admin

عدد المساهمات : 3191
تاريخ التسجيل : 11/11/2008
العمر : 25
الموقع : www.svuq.co.cc

http://www.svuq.co.cc

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف محمد عادل في الأربعاء فبراير 25, 2009 3:11 am

الساعة كام يا معين يلا يا سحس الحلقة القادمة امتى

محمد عادل
ViP
ViP

عدد المساهمات : 6291
تاريخ التسجيل : 12/12/2008

الرجوع الى أعلى الصفحة اذهب الى الأسفل

رد: يوميات صعيدى بيحب بنت ستايل ( قصه جامده )

مُساهمة من طرف حسين صبرى في الأربعاء فبراير 25, 2009 9:53 am

الحلقه الــ 20




ياتري كان عايز يقولها ايه


احمد : ريم

ريم : نعم يااحمد في ايه حضتنني

احمد : انتي وشك اصفر شكل الكشري بتاع المحلات بتاع طنطا

ريم : بجد يا احمد

احمد : اه ورحمة خالي حسن

ريم : طيب هاتلي دكتور ولا اعمل اي حاجه

احمد : حاضر هنزل اشوفلك دكتور تحت في اي حته

ريم : طيب يلا بسررعه

نزل احمد تحت وبيسأل ممرضة

احمد : لو سمحتي يا نيرس

الممرضه : ايوة تحت امرك

احمد : الامر لله يا قمر

الممرضه : بصت ليه كدا وقالتوا خير يا فندم عايز حاجه

احمد : اه واحد كابتشينوا وباكوين بسكويت لو سمحتي

قامت الممرضه ضحكت كدا وقالتوا

الممرضه : حضرتك دا مش كنتين دي مستشفي محترم

احمد : اه مانا عارف عندنا زيها في بلدنا

الممرضه : بلدكوا ؟؟

احمد : اه بلدنا انا شايف الفضول في عنيكي وعايزه تعرفي ايه البلد

الممرضة : ههههههههه بصراحه اه

احمد : طيب مش هقولك

الممرضه : طيب مش مشكل المهم انت كنت عايز تقول ايه ؟

احمد : انا معايا واحده زملتي فوق رجليها مكسورة ولونها اصفر لو سمحتي عايز حد يشوفها

الممرضه : اه طيب اوكي تعالى هاجي معاك اشوف الموضوع يستلزم دكتور ولا لا

احمد : اوكي اتفضلي

طلعت الممرضه معاه وساعه ماشافت ريم بنوته حلوه وعسولة وشكل نانسى عجرم Razz

راحت مسكت ايديها كدا علي اساس انها بتقيس ليها النبض يعني وقالت لاحمد

الممرضه : عايزاك ثواني

احمد : طيب حاضر هشوفها يا ريم شكل الموضوع خطير ولا شكلك هتموتي ونخلص منك

ريم : بعد الشر عليا يااحمد متبقاش كدا

احمد : انت هترغي يا ستي استني لما اشوف الممرضه الى بره دي

ريم : طيب

خرج احمد بره لقي الممرضه مستنياه

احمد : ايه مالها خير

الممرضه : بص يا استاذ ....امممممم

احمد : اسمي احمد وبلاش استاذ دي شيلي التكليف حضرتك

الممرضه : ميرسي كلك زوق

احمد : اه مانا عارف البلد كلها بتقولي كدا حتي نور بتقولي كدا

الممرضه : نور مين ؟

احمد : هو انتي علي طول عندك الفضول ده ههههههههههه

الممرضه : سوري اني ادخلت في حاجه مش ليا فيها

احمد : لا عادي مفيش مشاكل المهم قوليلي ريم مالها

الممرضه : دي بت مكهونه ومعندهاش حاجه هي بس لونها مخطوف من الخضه

احمد : ايه دا يعني هيا رجليها مش مكسورة

الممرضه : لا مكسورة بس دلوقتي بقيت كويسة وتقدر تروح كمان 10 ايام ان شاء الله

احمد : عشر تيام ينهار اسود ده احنا مسافرين بكره

الممرضه : مسافرين فين

احمد : رايحين القاهرة تاني احنا طالبه وجاين رحلة

الممرضه : اه طيب مهي مش هتنفع تخرج قبل كدا

احمد : خلاص هنسبها ولما تخف تبقي تيجي

الممرضه : لا متسبهاش هي ممكن تخرج النهارده

احمد : هههههههههههههههه الا قوليلي يا اسمك ايه

الممرضه : اسمي نهي

احمد : عاشت الاسامي يا نهي علي فكرة اسمك جميل اوي وانا بحبه

الممرضه : ميرسي ليك كلك زوق

احمد : ايوه مانا قولتلك عارف البلد كلها بتقول عليا كدا

الممرضه : هههههههههههههههههه

احمد : هههههههههههههه هوه انتي معاكي شبكة ؟

الممرضه : اه معايا

احمد : طيب ممكن رقم موبيلك

الممرضه : اها طبعا اتفضل 0000000000

احمد : طيب انا هروح اشوف بقيت صحابنا وهتصل بيكي اطمن علي ريم وانتي خدي بالك منها

الممرضه : طيب هتيجي امته علشان لو عايزين حاجه في الرسبشن

احمد : علي طول هشوف نور بس واجي

الممرضه : طيب اوكي هستناك

أحمد شكله علق الممرضه

في نفس الوقت دا نور قلبت الدنيا علي ريم واحمد مش لاقيه حد ومش عايزه تسأل حد علشان ميبقاش شكلها وحش وفي الاخر اكتشفت انهم مع بعض هتعمل ايه بقي تعمل ايه تعمل ايه تعمل ايه فضلت تفكرر شويه وفي الاخر وصلت لفكررررررررة

ياتري هتعملي ايه يا نووووووووووووور ؟








طبعا كلكوا عايزين تعرفوا نور هتعمل ايه دا الى مش هنعرفوا مع بعض النهارده لاني هسبها للحلقه الجايه

نرجع مع بعض لررررررريم واحمد والممرضه

دخلت الممرضه الاوضه بتاع ريم

وقعدت تتكلم معاها

الممرضه : ازيك يا ريم دلوقتي عاملة ايه ؟؟

ريم : الحمد لله كويسة احسن شويه

الممرضة : لا لا انتي بقيتي كويسة خالص ايه دلع البنات ده بقي

ريم : هههههههه والله مش دلع بس فعلا رجلي تعباني شويه

الممرضة : ان شاء الله هتبقي كويسة

ريم : ميرسي ربنا يخليكي

وسكتوا الاتنين شويه

وفجأة

ريم والممررضة : امال احمد فين ؟

اتغيررر معالم وش ريم باحمرار غريب كدا ونرفزه والممرضه بكسووف

ريم : خير انتي عايزاه في حاجه

الممرضه : لا ابدا بسأل عليه

ريم : مش عارفه والله راح فين

الممرضة : هوه كان قايلي انه رايح يشوف واحدة صحبته اسمها نور

ريم : ياربي علي نوووووور دي حتي في الوقت دا بيفكر فيها

الممرضه : بيفكر فيها ازاي يعني

ريم : انتي فضولية اوي

الممرضة : احمد لسه قايلي كدا دلوقتي

ريم : هوه احمد دا مش سايب حد غير لما يعرفوا ياربي علي كدا

الممرضة : هوه انتوا اصحاب دراسه ولا ايه بالظبط

ريم : بصي يا.....اممممم

الممرضة : اسمي نهي

ريم : بصي يا نهي احنا اصلا طللبه مع بعض واحنا التلاته جايين في رحلة تبع الجامعه بس للاسف احنا التلاته الى صحاب اوي يعني ملناش كلام اوي مع بقيت الناس

الممرضة : اه طيب وايه حكايه نور

ريم : حكايتها ازاي يعني

الممرضة : يعني مش عارفه اقصد ايه

ريم : لا عارفة بس ايه

الممرضة : ايه

ريم : اصل مفيش حاجه اقدر اتكلم فيها لاني مش متأكدة من حاجه

الممرضة : طيب لو عايزه تقولي شكك في ايه قوليلي وانا هخلي دا سر بيناا ومتقلقيش انا معرفش حد اوي يعني احمد اتكلمنا مع بعض علشانك بس تصدقي اني استريحتلك

ريم : وانا كمان والله

الممرضة : ( طيب قولي يا هبلة ) - بس في سرها

الممرضة : ربنا يخليكي يا ريم

ريم : هقولك يا ستي اول حاجه من ساعه متكلمت مع احمد وهوه اهتمامه الكلي بنور كأن مفيش حد تاني معااه بس مش عارف بقي في حاجه بينهم ولا لا

الممرضة : وانتي تضايقي ان يكون في حاجه بينهم ؟

ريم : لا طبعا بس

الممرضة : ايه ؟؟؟ طيب خلاص فهمت

ريم : لا متفهمنيش غلط انا قصدي ان المفروض يعرفوني لو فيه حاجه علشان بس مش ابقي ماشيه معاهم كدا

الممرضة : ويمكن يكون اصحاب عادي

الممرضة : ممكن الله اعلم

وسكتوووووووا فجأة وبعدين

الممرضة : طيب عندي سؤال عايزه اسألهولك

.
.
.
.
.
.
.
.
.
.
.
.
.
.
.
.
.
.
.
.
.
.
.

ها حد عرف السؤال

طيب اسيبتكم تفكروا شويه يمكن تعرفوا

المهم ما علينا

شوفنا الحوار الي كان بين ريم والممرضه كان حلو بصراحه الاتنين بيتلأموا علي بعض وشكلهم تحفة

وريم كالعادة هبلة وبتقع في الكلام

المهم نشوف احمد الى راح يشوف نوووور

ونور عملت ايه

نور طبعا لما عرفت ان احمد وريم مش موجودة زعلت جدا انهم سايبنها لوحدها

وفي نفس الوقت احمد ماشي علي البحر وعمال بيفكر

احمد : هوه ايه الى بيحصلي دا

مانا كنت كويس وعايش حياتي

لا مكنتش عايش دلوقتي عرفت طعم ومعني للدنيا

ايوه يااحمد دلوقتي عرفت حاجات كتيرة

طيب نووور وريم ونهي

دول بالنسبالك ايه يااحمد ؟

امممم مش عارف

نور بنت جميلة ولطيفه ووقفت جنبي كتير

ريم عسووولة ودمها خفيف بس مش عارف حاسس فيها بحاجات غريبه كدا

نهي ياعم دي لسه معرفة نص ساعه نفضلها وخلاص

طيب وبعدين هتتصرف ازاي يا احمد وانت الاتنين معتقدين انك بتحب واحد فيهم

وانت فعلا بتحب مين

نرجع لنوووور ونعرف هتعمل ايه يا نور

يا تري يا نور هتعملي ايه

انا ممكن اسبهم وامشي وهما يبقوا علي راحتهم

طيب افرضي يا نور ان احمد مفيش حاجه بينه وبين ريم تبقي خسرتي احمد

طيب انا هسأله

وجابت الموبيل

واتصلت

نور : الووو

احمد : ايوه

نور : انت فين يااحمد

احمد : انا قدام الاوضه بتاعتك

نور : انت هتهزر

احمد : لا والله حتي بصي تك تك

نور : انت كنت فين

احمد : كنت في المستشفي مع ريم

نور : مالها ريم

احمد : وقعت وهي نازله على السلم زي الجردل ورجليها اتكسرت

نور : هوه الجردل ليه رجلين هههههههههههههههههههه

احمد: ههههههههههه اه حاله خاصه ههههههههههه

نور : طيب يلا علشان نروح نطمن عليها

احمد : يلا بيناا

وهما نازلين احمد ونور شافوا مكان لذيذ كدا شكلوا رومانسي فقالت نور لاحمد

نور : احمد متيجي تعزمني علي حاجه هنا

احمد : بس انتي الى تدفعي

نور : اوك موافقه

احمد : موافقه في عينك انتي عايزه واحدة ست تصرف علياا

نور : ههههههههههههه خلاص يابني ادفع انت هتعمل مشكله ولا ايه

احمد: لا خلاص ادفعي انتي علشان ميبقاش شكلك وحش

نور : طيب ههههههههههههههههههه

احمد : اتفضلي

دخلوا قعدوا وتمااااااااااااااااام

في نفس الوقت ريم قلقانه طبعا احمد بقالوا 3 ساعات سابيها لوحدها مفيش حد في وشها غير الممرضة

المهم نادت لنهي وقالتها انا عايزه تليفون علشان مش معايا رصيد

نهي : ليه ؟؟ هتكلمي احمد

ريم : اه اصلي مش عارفه اتاخر ليه

نهي: اوكي اتفضلي موبيلي اتكلمي منه

ريم : ميرسي ليكي يا نهي مش تقلقي مش هطووول

نهي :لا يا حبيبي طولت براحتك معاكي 1,50 جنيه رصيد

ريم : ههههههههههههههههههههه

اتصلت ريم باحمد

ريم : اممممممممممم مش بيرد

نهي : يمكن الموبيل مش معاه ولا حاجه

ريم : مش عارفه بصراحه استني لما اتصل علي نور

نهي : اوكي

ريم : اممممممممممممممم غير متاح حاليا

نهي : خلاص استني شويه

ريم : مانا مستنيه وانا هعرف اعمل ايه

نهي : هههههههههههههه معلش يا حبيبتي بكره تقومي بالسلامة

ريم : ميرسي ربنا يخليكي انما مش قولتلي كنتي عايزه تسألي علي ايه امبارح لما الدكتور ندالك

نهي : كنت عايزه اسأل هوه احمد مواعدك انتي ونور بحاجه

ريم : (سكتت كده) وقالتها هكلمك بصرااحه انا عن نفسي لا ونور مش عارفه

نهي : اه يبقى متزعليش منه

ريم : لا بزعل مش عارفة ليه

نهي : بكره تعرفي ههههههههههههههه

نرجع لاحمد ونور

نور : مين كان بيتصل بيك يااحمد

احمد : دي ريم

نور : احسن انك مش رديت عليها

احمد : هههههههههه مانا قولت انك هتقولي كدا برضه

نور : ههههههههههههههه متفهمنيش غلط لو سمحت

احمد : لا ما انا فاهمك صح

نور: انا بقي كنت عايزك في موضوع كدا بس تجاوبني بصرااحه

احمد : خير

نور : انا كنت عايزه اعرف حاجه واحدة

احمد : قولي يابنتي خير قلقتيني

نور : لا مش تقلق ولا حاجه بس انا مش عارفه

احمد : مش عارفه ايه

نور : اقولهالك ازاي

احمد : والله ما انا فاهم حاجه

نور : طيب استني هفهمك

احمد : قولي يا سعاد ههههههههههههههه

نور : بس بقي مش تقلب الكلام تهريج

احمد : حاضر انطقي بقي

نور : هوه انا ايه بالنسبالك ؟

احمد : مممممممممممممممممممممممممممم

والمره الجايه نكمل ان شاء الله ................

حسين صبرى
ViP
ViP

عدد المساهمات : 1374
تاريخ التسجيل : 09/12/2008
العمر : 29
الموقع : قنا _ شارع مصنع المكرونه على طريق مصر \ اسوان

الرجوع الى أعلى الصفحة اذهب الى الأسفل

صفحة 4 من اصل 6 الصفحة السابقة  1, 2, 3, 4, 5, 6  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى