لو بتحب صلاح جاهين ادخل هنا

استعرض الموضوع السابق استعرض الموضوع التالي اذهب الى الأسفل

لو بتحب صلاح جاهين ادخل هنا

مُساهمة من طرف محمود الفنان في الخميس يناير 29, 2009 3:57 pm

انا من عشاق صلاح جاهين
وجايبلكم شوية رباعيات حلوه





رباعيات صلاح چاهين

خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!

ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!

أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!

ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!

و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!

يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أحب أعيش ولو في الغابات
أصحي كما ولدتني أمي و ابات
طائر .. حوان.. حشرة .. بشر ..بس أعيش
محلا الحياة.. حتي في هيئة نبات
عجبي !!




سهير ليالي و ياما لفيت و طفت
و ف ليه راجع في الضلام قمت شفت
الخوف ... كأنه كلب سد الطريق
و كنت عاوز أقتله .. بس خفت
عجبي !!

كان فيه زمان سحليه طول فرسخين
كهفين عيونها و خشمها بربخين
ماتت لكين الرعب لم عمره مات
مع إنه فات بدل التاريخ تاريخين
عجبي !!

عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!

رقبه قزازة و قلبي فيها انحشر
شربت كاس و اتنين و خامس عشر
صاحبت ناس م الخمرة ترجع وحوش
و صاحبت ناس م الخمرة ترجع بشر
عجبي !!!!

ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ورا كل شباك ألف عين مفتوحين
و انا وانتي ماشيين يا غرامي الحزين
لو التصقنا نموت بضربة حجر
و لو افترقنا نموت متحسرين
عجبي !!!

نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!

علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ..... والا اتقتلت
عجبي !!

انا كل يوم أسمع ........ فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
عجبي !!!

ينبوع و في الحواديت أنا سمعت عنه
إنه عجيب .. و ف وسط لهاليب لكنه
شقيت كما الفرسان طريقي .. لقيت
حتي الخنازير و الكلاب شربوا منه
عجبي !!!!

يا قرص شمس ما لهش قبة سما
يا ورد من غير أرض شب و نما
يا أي معني جميل سمعنا عليه
الخلق ليه عايشين حياه مؤلمة
عجبي !!!
ـــــــــــــــــــــــــــــــــــــــــــــــــــــــــــــــــــــــــــــــــــــــ
شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!

أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!

إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!

إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!

يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!!

في يوم صحيت شاعر براحة و صفا
الهم زال و الحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفة
عجبي !!!
الفيلسوف قاعد يفكر سيبوه
لا تعملوه سلطان و لا تصلبوه
ما تعرفوش إن الفلاسفه يا هوه
اللي يقولوه بيرجعوا يكدبوه
عجبي !!!

علي بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا
عجبي !!

إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!

نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!!

- يا نجم .. نورك ليه كده بيرتجف ؟
هو انت قنديل زيت ؟ أو تختلف
- أنا نجم عالي .. بس عالي قوي
و كل ما انظر تحت اخاف انحدف
عجبي !!!!

نسمة ربيع لكن بتكوي الوشـــــــوش
طيور جميلة بس من غير عشـــوش
قلوب بتخفق إنما وحـــــــــــــــــدها
هي الحياه كده .. كلها في الفاشوش
عجبي !!!!

يا طير يا عالي في الســــــما طظ فيك
ما تفتكرشي ربنا مصطــــــــــــــــفيك
برضـــــــــــك بتاكل دود و للطين تعًًًًودً
تمـــــــــص فيه يا حلو .. و يمص فيك
عجبي !!!
ــــــــــــــــــــــــــــــــــــــــــــــــــــــــــــــــــــــــــــــــ

كروان جريح مضروب شعاع م القمر
سقط من السموات فؤاده انكســـــــــر
جريت عليه قطه علشان تبلعـــــــــــه
أتاريه خيال شعراء و مالهـــــوش أثر
عجبي !!!

ياللي نصحت الناس بشــــــــــــــرب النبيت
مع بنت حلوه .. وعود , وضحك , وحديت
مش كنت تنصحهم منين يكســــــــــــــــبوا
تمن ده كله ؟ ... و الا يمكن نســـــــــــيت
عجبي !!

ما حد في الدنيا واخد جزاتــــــــــــــــــه
و لا حــــــــــــــــد بيفكر في غير لذاذاته
ما تعرفيش يا حبيبتي .. أنا و انتي مين؟
إنتي عروس النيل ... و أنا النيل بذاته
عجبي !!

رقاصه خرسا و رقصه من غير نغــم
دنيا . . يا مين يصالحها قبل النـــــدم
ساعتين تهز بوجههـــــــــــــــا يعنـي
يترجرجوا نهديها يعني نعـــــــــــــــم
عجبي !!!

إخطفني ياللي تحبني ع الحصان
الدنيا قالت يوم في ماضي الزمان
إخطفني ياللي تحبني ع الـــــفرس
الدنيا قالت .. قام خطفها الشيطان
عجبي !!!!

من بين شقوق الشيش و شقشقت لك
مع شهقة العصافير و زقزقـــــــت لك
نهار جديد انا . . قوم نشوف نعــمليه
انا قلت يا ح تقتلني .. يا ح اقــــــــتلك
عجبي !!!
ــــــــــــــــــــــــــــــــــــــــــــــــــــــــــــــــــــــــــــــــ

جالك أوان ووقفت موقف وجـــود
يا تجود بده يا قلبي يا بده تجــــود
ما حد يقدر يبقي علي كل شـــــــئ
مع إن – عجبي – كل شئ موجود
عجبي !!!

جالك اوان وعرفت مشي الجنايــــــــز
كيف شفتها يا عبد رب اللذايــــــــــــذ
قال : شفت شيل بالحيل فقير أو اميـــر
كما شالوا في الخمامير فواضي القزايز
عجبي !!

أنا كنت شئ و صبحت شئ ثم شــئ
شوف ربنا .. قادرعلي كل شـــــــئ
هز الشجر شواشيه ووشوشني قال :
لابد ما يموت شئ عشان يحيا شئ
عجبي !!

يا مشرط الجراح أمانة علـــــــــــيك
و انت ف حشايا تبص من حواليــك
فيه نقطة سوده في قلبي بدأت تبان
شيلها كمان .. و الفضل يرجع إليك
عجبي !!!

كيف شفت قلبي و النبي يا طبيــــــــــــب
همد و مات و الا سامع له دبيـــــــــــــب
قاللي لقيته مختنق بالدمـــــــــــــــــــــوع
و ما لوش دوا غير لمسه من إيد حبيب
عجبي !!!!

تسلم يا غصن الخوخ يا عود الحطـــــــــب
بييجي الربيع .. تطلـــــــــــع زهورك عجب
و انا ليه بيمضـــــــــــي ربيع وييجي ربيع
و لسه برضك قلــــــــــــــــــبي حتة خشب
عجبي !!!
ــــــــــــــــــــــــــــــــــــــــــــــــــــــــــــــــــــــــــــــــ

قلبي عليل يا ناس و في الكاس دواه
مديت له إيدي شربت م اللي حــــواه
جنبي الشمال خف .. اليمين اتــــوجع
و إيه يداوي الكبد م اللي كـــــــــــواه
عجبي!!

.. دي مزكرات و كتبتها من ســـــــــنين
في نوتة زرقا لون بحور الحنيــــــــــــن
عترت فيها .. رميتها في المهمـــــــلات
وقلت صحيح أما صحيح كلام مخبولين
عجبي !!

دخل الشتا وقفل البيبان ع البـــيوت
وجعل شعاع الشمس خيط عنكبوت
وحاجات كتير بتموت في ليل الشــتا
لكن حاجات أكتر بترفض تمــــــوت
عجبي !!

الدنيا من غير الربيع مــــــــيته
ورقة شجر ضعفـــــــانه و مـــفـــــتــته
لا يا جدع غلطان تأمل وشوف
زهر الشتا طالع فــــــــي عز الشـــــتا
عجبي !!!

ياللي انت بيتك قش مفروش بريش
تقوي عليه الريح .. يصبح ما فيش
عجبي عليك حواليك مخالب كـــــبار
و ما لكش غير منقار و قادر تعيش
عجبي !!!!

سمعت نقطة ميه جوه المحيـــــــط
بتقول لنقطه ما تنزليش في الغويط
أخاف عليكي م الغرق .. قلـــــت أنا
ده اللي يخاف م الوعد يبقي عبيط
عجبي !!!
بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت قالوا مفيش
غير بس هو الحب قارب نجاه
عجبي !!!

فارس وحيد جوه الدروع الحديد
رفرف عليه عصفور وقال له نشيد
منين .. منين.. و لفين لفين يا جدع
قال من بعيد و لسه رايح بعيد
عجبي !!

غمست سنك في السواد يا قلـــــــــــــــم
عشان ما تكتب شعر يقطر ألــــــــــــــــم
مالك جرالك إيه يا مجنون ... و ليــــــــه
رسمت ورده وبيت و قلب و علـــــــــــم
عجبي !!!

_________________


[img]

محمود الفنان
ViP
ViP

عدد المساهمات : 1041
تاريخ التسجيل : 06/01/2009
العمر : 28
الموقع : http://ashekmeshary.ahlamontada.net/

http://ashekmeshary.ahlamontada.net/

الرجوع الى أعلى الصفحة اذهب الى الأسفل

رد: لو بتحب صلاح جاهين ادخل هنا

مُساهمة من طرف محمود الفنان في الخميس يناير 29, 2009 3:58 pm

كلام ملهوش اى حل

محمود الفنان
ViP
ViP

عدد المساهمات : 1041
تاريخ التسجيل : 06/01/2009
العمر : 28
الموقع : http://ashekmeshary.ahlamontada.net/

http://ashekmeshary.ahlamontada.net/

الرجوع الى أعلى الصفحة اذهب الى الأسفل

رد: لو بتحب صلاح جاهين ادخل هنا

مُساهمة من طرف حازم الأقصر في الخميس يناير 29, 2009 7:21 pm

فعلا يا فنان انت فنان وكلام ملهوش اي حل جميل خالص التوبيك ده

_________________





شاركوا معنا النجاح مع اول منتدي vb لطلاب جاامعة جنوب الوادي

وانتظروا قريباا اعلانه المنتدي الرسمي لجاامعة جنوب الوادي

www.svuq.co.cc

حازم الأقصر
ViP
ViP

عدد المساهمات : 2768
تاريخ التسجيل : 30/11/2008
العمر : 26
الموقع : اهنكاتي

الرجوع الى أعلى الصفحة اذهب الى الأسفل

رد: لو بتحب صلاح جاهين ادخل هنا

مُساهمة من طرف محمود الفنان في الجمعة يناير 30, 2009 10:55 am

بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت قالوا مفيش
غير بس هو الحب قارب نجاه
عجبي !!!

محمود الفنان
ViP
ViP

عدد المساهمات : 1041
تاريخ التسجيل : 06/01/2009
العمر : 28
الموقع : http://ashekmeshary.ahlamontada.net/

http://ashekmeshary.ahlamontada.net/

الرجوع الى أعلى الصفحة اذهب الى الأسفل

رد: لو بتحب صلاح جاهين ادخل هنا

مُساهمة من طرف حسين صبرى في السبت يناير 31, 2009 6:38 pm

يا لعبك يا فنان فى الرباعيات .

حسين صبرى
ViP
ViP

عدد المساهمات : 1374
تاريخ التسجيل : 09/12/2008
العمر : 29
الموقع : قنا _ شارع مصنع المكرونه على طريق مصر \ اسوان

الرجوع الى أعلى الصفحة اذهب الى الأسفل

رد: لو بتحب صلاح جاهين ادخل هنا

مُساهمة من طرف محمود الفنان في الخميس فبراير 05, 2009 1:12 am

أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!

محمود الفنان
ViP
ViP

عدد المساهمات : 1041
تاريخ التسجيل : 06/01/2009
العمر : 28
الموقع : http://ashekmeshary.ahlamontada.net/

http://ashekmeshary.ahlamontada.net/

الرجوع الى أعلى الصفحة اذهب الى الأسفل

رد: لو بتحب صلاح جاهين ادخل هنا

مُساهمة من طرف محمد عادل في الخميس فبراير 12, 2009 11:19 pm

دة شخصية تافها اوى سورى يعنى

محمد عادل
ViP
ViP

عدد المساهمات : 6291
تاريخ التسجيل : 12/12/2008

الرجوع الى أعلى الصفحة اذهب الى الأسفل

رد: لو بتحب صلاح جاهين ادخل هنا

مُساهمة من طرف محمود الفنان في الجمعة فبراير 13, 2009 3:13 am

لا يا صاحبى
دول بتوع الايام دى هما الى تافهين
ده من اجمل شعراء مصر

محمود الفنان
ViP
ViP

عدد المساهمات : 1041
تاريخ التسجيل : 06/01/2009
العمر : 28
الموقع : http://ashekmeshary.ahlamontada.net/

http://ashekmeshary.ahlamontada.net/

الرجوع الى أعلى الصفحة اذهب الى الأسفل

رد: لو بتحب صلاح جاهين ادخل هنا

مُساهمة من طرف محمد عادل في الأحد فبراير 15, 2009 1:14 am

اختلاف الراى لا يفسد للود قضية

محمد عادل
ViP
ViP

عدد المساهمات : 6291
تاريخ التسجيل : 12/12/2008

الرجوع الى أعلى الصفحة اذهب الى الأسفل

رد: لو بتحب صلاح جاهين ادخل هنا

مُساهمة من طرف محمود الفنان في الأحد فبراير 15, 2009 1:17 am

صح يا صاحبى

محمود الفنان
ViP
ViP

عدد المساهمات : 1041
تاريخ التسجيل : 06/01/2009
العمر : 28
الموقع : http://ashekmeshary.ahlamontada.net/

http://ashekmeshary.ahlamontada.net/

الرجوع الى أعلى الصفحة اذهب الى الأسفل

رد: لو بتحب صلاح جاهين ادخل هنا

مُساهمة من طرف الـ موناليزا في الأربعاء فبراير 18, 2009 2:41 pm

إنشد يا قلبي غنوتك للجمــــــــــــــــــال
و ارقص في صدري من اليمين للشمال
ما هوش بعيد تفضل لبكره سعيــــــــــد
ده كل يوم فيه الف الف احتمـــــــــــــال
عجبي !!






صلاح حكاية لا تعرف بداية ولا حد يقدر يختمها بنهاية..

أتحكت من بعده ولسه هتنحكي والشاطر اللي

يتعلم منه القرايه..



شكراً يا فنان.. وتقبل مروي ..


الـ موناليزا
عضو فعال
عضو فعال

عدد المساهمات : 194
تاريخ التسجيل : 12/02/2009

الرجوع الى أعلى الصفحة اذهب الى الأسفل

رد: لو بتحب صلاح جاهين ادخل هنا

مُساهمة من طرف محمود الفنان في الأربعاء فبراير 18, 2009 2:51 pm

العفو وانا عندى رباعيات كتير لصلاح
ونورتى التوبك يا موناليزا

محمود الفنان
ViP
ViP

عدد المساهمات : 1041
تاريخ التسجيل : 06/01/2009
العمر : 28
الموقع : http://ashekmeshary.ahlamontada.net/

http://ashekmeshary.ahlamontada.net/

الرجوع الى أعلى الصفحة اذهب الى الأسفل

رد: لو بتحب صلاح جاهين ادخل هنا

مُساهمة من طرف hamada.elalamy في الأربعاء فبراير 18, 2009 4:08 pm

صلاح جاهين اسطورة فى زمنه

بس احنا للاسف مش بنعرف قيمة اشياء كتيرة

ياريت اللى بيقول على صلاح جاهين شخصية تافهة
يقراء عن صلاح جاهين علشان يشوف الحقيقة

شكرررررررررررررررررا لك يا فنان مواضيعك جميلة بجد

hamada.elalamy
ViP
ViP

عدد المساهمات : 3080
تاريخ التسجيل : 03/02/2009
العمر : 26
الموقع : مدينة القصير . البحر الاحمر

الرجوع الى أعلى الصفحة اذهب الى الأسفل

رد: لو بتحب صلاح جاهين ادخل هنا

مُساهمة من طرف محمود الفنان في السبت فبراير 21, 2009 1:37 am

نورت الموضوع حماده

محمود الفنان
ViP
ViP

عدد المساهمات : 1041
تاريخ التسجيل : 06/01/2009
العمر : 28
الموقع : http://ashekmeshary.ahlamontada.net/

http://ashekmeshary.ahlamontada.net/

الرجوع الى أعلى الصفحة اذهب الى الأسفل

رد: لو بتحب صلاح جاهين ادخل هنا

مُساهمة من طرف hamada.elalamy في السبت فبراير 21, 2009 1:43 am


hamada.elalamy
ViP
ViP

عدد المساهمات : 3080
تاريخ التسجيل : 03/02/2009
العمر : 26
الموقع : مدينة القصير . البحر الاحمر

الرجوع الى أعلى الصفحة اذهب الى الأسفل

رد: لو بتحب صلاح جاهين ادخل هنا

مُساهمة من طرف محمود الفنان في السبت فبراير 21, 2009 11:57 pm

يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!

محمود الفنان
ViP
ViP

عدد المساهمات : 1041
تاريخ التسجيل : 06/01/2009
العمر : 28
الموقع : http://ashekmeshary.ahlamontada.net/

http://ashekmeshary.ahlamontada.net/

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى