يوميات بنت فى سنه اولى جامعه

استعرض الموضوع السابق استعرض الموضوع التالي اذهب الى الأسفل

يوميات بنت فى سنه اولى جامعه

مُساهمة من طرف Russiaredsea في السبت أكتوبر 17, 2009 2:45 am


المكان : كلية تجارة جامعة جنوب الوادى
الوقت :اول يوم في الدراسة
الشخصيات:
احمد : "سقيط كبير" شاب في الثالثة والعشرين ولازال في السنة الثالثة بالكلية.
مني: فتاة في الثامنة عشرمدللة والديها صغيرتهم بعد شابين يكبرانها سنا في أول سنة لها بالجامعة, فتاة جميلة محجبة.
كريم : صديق احمد بالسنة الرابعة وهو طبعا اصغر من احمد.
شيرين : صديقة كريم واحمد ,بالسنة الثالثة , قريبة لمني من بعيد.
سارة: صديقة منى من الكلية فتاة محبوبة ومؤدبة.
**************************************************


(الحلقه الأولي)


حديث يدور بين شابين يدخنان في الكافيتيريا في الكلية وهو مكان يكشف بقية ساحة الكلية
احمد وهو يلتفت بجسده وعينيه خلف فتاة تسير امامه نافثا دخان سيجارته
احمد: الدفعة الجديدة شكلها جامد مووووت.
كريم: ايوة يابني مش الغفر الي كانوا على ايام دفعتنا, ولا صحيح انت استقبلت دفعتنا والي قبلها والي بعدها ,وياتري بقي انت ناوي تنجح السنة ولا زي كل سنة.
احمد: ايه السيرة الغم دي , النهاردة اول يوم , خليك خفيف كده عشان احبك.
كريم: يييييييه اهي شيرين وصلت هخلع انا بقي عشان دي جايه كمان ومعاها واحدة صاحبتها.
كاد احمد ان "يخلع" مع كريم ولكنه رأي ان الفتاة التي مع شيرين من الدفعة الجديدة , ورأي أن من واجبه كأقدم واحد بالكلية ان يستقبل الدفعة الجديدة التي طبعا كانت حلوة ورقيقة.
*********************
مني: انا خايفة يا شيري اني ميبقاليش اصحاب في الكلية.
شيرين: اهي دي بقي اخر حاجة ممكن تقلقك في مكان زي ده , دا احنا هنا بنقول هنودي الاصحاب فين .
مني: لا ياستي بقولك ايه انا ماليش في الشلل , انا مبحبش قعدة البنات مع الصبيان , انا اخواتي قالولي......
شيرين: ياادي اخواتك الي عاملينلك وش في دماغك , يابنتي هنا عادي , الدنيا كلها اصحاب في بعض , انتي مش كان ليكي اصحاب صبيان في المدرسة.
مني: ايوة , بس كلهم اصحابنا وجيراننا من زمان ومفيش منهم خوف لانهم كانو مصاحبين صاحباتي, وبعدين انا مكنتش برضه معاهم اوي انا مبحبش الجو ده.
شيرين بصوت خافت: انا قلت برضه انتي هتتعبيني.
ثم بصوت عالي : ايه ده كريم وايمو اهم .......هااااااي.
مني تصيح وهي تحاول اللحاق بشيرين التي توجهت نحو الشابين : انتي رايحة فين؟ مش كنا هنجيب الجدول بتاعي؟.
*******************
اقتربت الفتاتان من احمد لان كريم كان قد غادر , عدل احمد من هندامه كما يفعل كلما قابل وجه جديد
ضربت شيرين بكفها علي كف احمد وهي تقول:
]شيرين : ايمووو انت فين ياراجل
رد عليها برتابة: في الدنيا هكون فين يعني ؟
شيرين :ايه الغلاسة دي وبعدين كريم ماله كده جري زي الي عليه فلوس لحد .
احمد: اصله افتكر واحد صاحبه كان مستنيه .
شيرين : اه.
احمد بتسبيل : مش تعرفينا .
شيرين : لا مش هعرفك ,مش سكتك خالص على فكرة .
شعرت مني بالحرج من الكلام الذي يدور وحاولت ان ترد بأي شيء فصمتت
اخرجت شيرين تليفونها المحمول وطلبت رقماً:
شيرين: ايوه يا واطي ..... جريت ليه اول ما شفتني ........يا راجل ...
ومدت برجليها بعيدا قليلا عن احمد ومنى
احمد: انتي بقي سنة اولي ؟
احمد في رأسه* اكيد والا كنت شفتك .
منى بخجل :اه
منى في رأسها *يوه يا شيرين خلصي بقي.
احمد: معاكي الجدول ولا اجيبهولك .
مني وقد ارتبكت : لا ... ماهي شيرين هتيجي معايا... يعني ..هنشوفه .
احمد: طب استني خليكي هنا.
وانطلق كالصاروخ مغادرا اياها ,في نفس الوقت الذي انهت فيه شيرين المكالمة
شيرين:الله؟ فين الواطي التاني؟
منى : معرفش , قالي استني وجري , تعالي نمشي.
شيرين: هوقال راجع ولا قال ايه؟
منى: مقالش حاجة يلا نمشي بقي.
شيرين : لا استني اهه, ماله بيجري كده ليه ؟
وصل احمد لاهثاً ومد يده بورقة الي مني
احمد: اتفضلي يا ستي , جدول سنة اولي.
نزعت شيرين الورقة من يده وهي تجذب يد منى بعيدا
شيرين: متشكرين يا سيدي , بس ريح نفسك , قلتلك مش سكتك .
اعترض طريقهم قبل ان تغادرا ا
حمد : ايه ايه , رايحين فين ؟
شيرين : انت مش جبت الجدول , يلا باي بقي البنت جديدة وهلففها في الكلية.
تجاوزتاه وهو يتابعهما ببصره قائلا
احمد : اجي معاكو.
شيرين تهتف وهي تجر مني ورائها جراً
شيرين : لا شكراً.
ظل احمد يتابعهما ببصرة وهو يقول في نفسه
*ودي مين دي يعني الي شيرين خايفة عليها اوي كده؟؟؟ , هتكون تفرق ايه عن البنات التانية؟؟؟.
مني وهي تكاد تركض خلف شيرين , التي انطلقت وكأن كلب يجري خلفها
*ودا مين دا يعني الي شيرين خايفه عليا منه اوي كده , هي مش كانت بتقولي الناس هنا كلهم اصحاب عادي؟؟؟

Russiaredsea
عضو نشيط
عضو نشيط

عدد المساهمات : 56
تاريخ التسجيل : 16/10/2009
العمر : 35
الموقع : البحر الاحمر

الرجوع الى أعلى الصفحة اذهب الى الأسفل

رد: يوميات بنت فى سنه اولى جامعه

مُساهمة من طرف sea lover في السبت أكتوبر 17, 2009 3:11 am

هى القصة واقعية صحيح بس الغلطة انك قلت كلية تجارة مع ان احمد دا فى اى كلية فى مصر
بس كمل الحلقات حايبقى مسلسل حلو اوى
لك منى تحية الاسلام

sea lover
عضو مبدع
عضو مبدع

عدد المساهمات : 589
تاريخ التسجيل : 21/07/2009

الرجوع الى أعلى الصفحة اذهب الى الأسفل

رد: يوميات بنت فى سنه اولى جامعه

مُساهمة من طرف محمد عادل في السبت أكتوبر 17, 2009 6:18 pm

نايس يا دروج

_________________



محمد عادل
ViP
ViP

عدد المساهمات : 6291
تاريخ التسجيل : 12/12/2008

الرجوع الى أعلى الصفحة اذهب الى الأسفل

رد: يوميات بنت فى سنه اولى جامعه

مُساهمة من طرف انجلينا جولى في الأربعاء أكتوبر 21, 2009 1:37 am

فعلا هى شيرين خايفه على منى من احمد لييييييييه اكيد فى سبب !!!!

ياريت تكملنا باقى الحلقات مسلسل حلو اوى lol!

انجلينا جولى
ViP
ViP

عدد المساهمات : 1864
تاريخ التسجيل : 01/03/2009

الرجوع الى أعلى الصفحة اذهب الى الأسفل

رد: يوميات بنت فى سنه اولى جامعه

مُساهمة من طرف sea lover في الأربعاء نوفمبر 25, 2009 5:14 pm

ايه يا احمد هو التيرم خلص ولا ايه
فين باقى الحلقات..!

sea lover
عضو مبدع
عضو مبدع

عدد المساهمات : 589
تاريخ التسجيل : 21/07/2009

الرجوع الى أعلى الصفحة اذهب الى الأسفل

رد: يوميات بنت فى سنه اولى جامعه

مُساهمة من طرف افنان في الأحد ديسمبر 27, 2009 8:06 pm

حلقه رائعه
وانا متشوقه اوي لباقي الحلقات
شكرا ليكي

افنان
عضو نشيط
عضو نشيط

عدد المساهمات : 50
تاريخ التسجيل : 01/12/2009
العمر : 27

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى