مين قال النسيان نعمه

استعرض الموضوع السابق استعرض الموضوع التالي اذهب الى الأسفل

مين قال النسيان نعمه

مُساهمة من طرف مجرد انسان في الأحد مارس 15, 2009 12:40 am

المفروض انى كنت هتكلم هنا عن شخص قريب منى جدا
شخص مبقاش موجود فى الدنيا السخيفة دى
بس لقيته كلام شخصى جدا و ميهمش حد غيرى
فحبيت اتكلم عن حاجة بسمعها كتير و بستغربها جدا
بيقولوا "ان النسيان نعمة"
نسيان ايه بالظبط؟
يعنى انى انسى حد دخل حياتى و اثر فيا و اتعلمت منه حاجة...اى حاجة
انسى حد ربنا بعتهولى عشان يبقى معايا
معايا فى مواقف كتير كان صعب اعديها لوحدى
فكان وجود الشخص ده كافى عشان يخلينى اكتشف فى نفسى
حاجات مكنتش عارفة انها موجودة فيا
و هى نفس الحاجات دى اللى هتخلينى اقدر اكمل حياتى بعد ما يسيبنى
سواء كان حبيب , قريب, صديق, ايا كانت صلته بيا...انساه ازاى؟
اكيد هفتكره لما ارجع تانى اعدى بنفس المواقف
او لما اسمع اغنية بيحبها ولا اشوف فيلم من افلامه المفضلة
لما اسمع حد بيقول نفس رأيه او بيستعمل نفس لزماته فى الكلام
لما ابقى قاعدة لوحدى و افتكر ان وجوده جنبى كان بيهون عليا حاجات كتير
لما اروح الاماكن اللى كان بيحبها
ولما اشوف صحابه و الناس اللى كانوا قريبين منه و اسمع حكاياتهم عنه
لما اقرى كتاب من مكتبته و اشوف الخطوط اللى حطها تحت الجمل اللى اثرت فيه
ولا حتى لما اكل الاكل اللى كان بيحبه
مش معقول يعنى ان ولاحاجة من دول هتحصل
و مش معقول حاجة منهم تحصل و اقول لنفسى الحمد لله انا ناسية
اللى ينسى ناس ادوا معنى لحياته او اضافوله حاجات مهما كانت صغيرة
ميبقاش بنى ادم اساسا
ممكن افهم انه يتأقلم...
يعود نفسه على الوضع الجديد...يعرف يعيش من غير الناس دى
ببساطة لأنه معندوش حل تانى
و مينفعش حد يوقف حياته بعد موت الناس اللى بيحبهم
ممكن اقول ان "التأقلم"نعمة...لكن النسيان ده انعدام احساس
عشان كده انا عمرى ما نسيتك ولا عمرى هنساكى
يا حبيبتى الضائعه

مجرد انسان
عضو متميز
عضو متميز

عدد المساهمات : 272
تاريخ التسجيل : 10/02/2009
العمر : 35
الموقع : فنا ميدان السيد عبد الرحيم

http://dvd4arab.maktoob.com/showthread.php?t=493140

الرجوع الى أعلى الصفحة اذهب الى الأسفل

رد: مين قال النسيان نعمه

مُساهمة من طرف دنيا همس القلب في الأربعاء مارس 18, 2009 4:52 pm

انا رايى من رأيك بجد بجد النسيان مش نعمه

دنيا همس القلب
عضو جديد
عضو جديد

عدد المساهمات : 6
تاريخ التسجيل : 18/03/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى