استحلفكم بالله ايها الاعضاء كلكم ادخلوا

استعرض الموضوع السابق استعرض الموضوع التالي اذهب الى الأسفل

استحلفكم بالله ايها الاعضاء كلكم ادخلوا

مُساهمة من طرف مجرد انسان في الأربعاء مارس 04, 2009 9:06 pm





اى حياه واى دنيا الى احنا عاييشن فيها دى وزعلانين مع بعض فيها وحاقدين ع بعض فيها





دنيا حقيره اوى احكم انت بقى ع حقارتها



بس تعالى نشوف كل واحد فينا ازاى بيتعامل وحش اوى مع نفسه وظالم اوى ليها

اد ايه انت ظالم لنفسك (0 خلى بالك انا مش بكلم معاك انا بكلم نفسى الاول )



تعالو نسمع ربنا بيقول ايه فى سوره ال عمران (( والذين اذا فعلوا فاحشه او ظلموا انفسهم ذكروا الله ))





طب ازاى يعنى تعاملاتنا وحشه مع نفسينا حقولك وانت احكم بقى



بذمتك مش تلاقينا كده كل يوم نايمين ساعه صلاه الفجر وكان الفجر ده مش تبعنا خالص



او مش عجبنا وقته وكأننا ورب الكعبه (( حاش لله )) بنقول انا مش عجبنى الوقت ده انا عايز انام لما اصحى بقى ابقى اصلى ده لو صلينا اصلا



وبرضه بقيه الصلوات



بذمتك ده مش ظلم

ايه التعامللات البايخه دى ؟



تلاقي الواحدمنكما وهو رايح الكليه سواء ماشى او راكب عمال يفكر حيقول ايه للجثه بتعته (( عذرا ايها الاطباء مبحبش اقول اللفظ التانى مع انه ع نفس الوزن ))

ازاى حيضحك معاها النهارده ازاى حيمسك ايديها بطريقه جديده ازاى يبين لها حبه وكان خلاص كل حاجه بالنسبه لنا انتهت مبقاش فى حاجه غير اننا نتفنن فى الحب الزايف ربنا يتوب علينا يارب منه





وكان مش المفروض علينا اننا فى الوقت ده نقول سبحان الله الله اكبر الحمد لله استغفر الله



وانتى يا اختى متخليهوش يهزر معاكى او يمسك ايديكى


انا مش حنفعك اسالك بالله يا اختى ايوه انا بكلم فيكى اسلامك استحلفك بالله



انتى مبسوطه كده كل دى حوارات وانتى حره بقى



بذمتك دى تعاملات مع نفسينا مش كل دى ذنوب مش كل دى اوقات راحت ف ستين داهيه



مش بدل ما كنت ازرع نخل فى الجنه واقول سبحان الله وبحمده

مش كنت المفروض اكنز من كنوز الجنه واقول لا حول ولا قوه الا بالله



مش كنت عايز ربنا يغفر ذنوبى واقول استغفر الله





بذمتك مش ده ظلم





اللى احنا فيه ده شويه ؟؟؟ اللى بيحصل فينا ده شويه

كيس السكر بقى بربع جنيه والبانجو بقى بنص جنيه

ولو سمعنا حد بيكلم عن القدس نقول عليه متشدد وارهابى وكان القدس دى مش تبعنا



مش فارق معانا طب انا راضيه ذمتك





لو المسجد اللى تحت بتنا واللى مش بنخشوه ده لو جم ناس بلطجيه وقالوا محدش حيخش هى بقى عافيه

حتعمل ايه ايه حالك سعتها ؟؟



طب تخيل بقى ان الموضوع ده حقيقى مع الاقصى قدسك انت ومسجدك انتى وحرمك انت





بذمتك مش ده ظلم لنفسك ؟؟؟





طب احنا مالنما يعنى يعنى نروح نحارب ؟؟



لا بس بحالنا ده الى رايح فى داهيه عمرنا ما حنتغير







حيتغير ازاى وكل همى فى الفيلم الجديد اللى حينزل وفى الشريط اللى مكسر الدنيا وف الولد ده والبت دى





حيجرى ايه يعنى لو مسمعتش لده ولا شفت دى





يا عمرو دياب يا استاذ مصطفى قمر يا فؤاد انت اسمك محمد



انادى فيكم اسلامكم ريحونا بقى احنا محتاجنكم اوى محتاجين صوتكم ده فى القران محتاجين ترفعوا صوتكم بالاذان





يا انسه نانسى يا هيفاء يا اليسا





اعدوا فى بيتكم بقى ارجوكم بالله عليكم بالله عليكم احنا كفايه علينا بقى كده



كفايه بهدله بقى احنا روحنا فى ستين داهيه بقينا اعفن الناس فى نظر الغرب مع اننا انظف اللى خلفوهم

واحد يقولى طب وانا مالى بالفنانين دول اقوله مش لو كل واحد فينا مبقاش يسمع للناس دى مش سعتها حيبطلوا لو كل واحد دعى لهم بالهدايه



واحد تانى حيقول عليا قديمه اوى ايه هيفاء واليسا انتى قديمه اوى فى ناس دلوقتى ايه وشك نار يا معلم ودوس بقى وفكك منى



واحد تالت حيزعل منى اوى عشان قلت اسم الفنان اللى بيحبه



اااااااااااااااااااه منك انت اااااااااااااااااه مكبر دماغك وبتكلم ف حاجه تانيه





بذمتك مش كل ده ظلم لنفسك ايه الجبروت ده احنا بنعامل نفسنا كده ليه



ارجوكم بقى مبقاش فى حاجه حلوه فى حياتنا بقت كلها اهواء اشباع رغبات ملنشا ذنب انها طلعت



ارجوكم مبقاش فى بركه مبقاش فى فرحه



مبقناش بنفرح زى زمان





بقت كل حاجه عاديه





ايه الحياه دى ازاى احنا طايقين العيشه كده واحنا عندنا الحلول



ارجوك يا اخى اتوسل اليكى يا اختى اخاطب فيكم اسلامكم
اسالكم بالله





كفايه ظلم لنفسك



ارجع وروح صاحب الناس الكويسه



يا شباب المفروض احنا نبقى السبب فى رفع الامه مش عبء ومشكله من مشكلاتها

نفسى لما يجى شيخ يكلمنا نقوله لا انا خلاص مش محتاج حد يكلمنى انا اتعلمت كل حاجه



امشى انت انت مش فاضى لى

انت وراك ناس كتيره مش بتعبد ربنا



انت وراك ناس لسه بتسجد للشمس



انا حساعدك مش حضيع مجهودك عليا بذمتك انت مش مضايق ان فى ناس مش بتعبد ربنا انت فاكر الهدهد قال ايه



شفت اد ايه كان مستغرب منن الناس دى



ازاااااااااااااى مبيسجودش لله

اِنِّي وَجَدتُّ امْرَأَةً تَمْلِكُهُمْ وَأُوتِيَتْ مِن كُلِّ شَيْءٍ وَلَهَا عَرْشٌ عَظِيمٌ{23} وَجَدتُّهَا وَقَوْمَهَا يَسْجُدُونَ لِلشَّمْسِ مِن دُونِ اللَّهِ وَزَيَّنَ لَهُمُ الشَّيْطَانُ أَعْمَالَهُمْ فَصَدَّهُمْ عَنِ السَّبِيلِ فَهُمْ لَا يَهْتَدُونَ{24} أَلَّا يَسْجُدُوا لِلَّهِ الَّذِي يُخْرِجُ الْخَبْءَ فِي السَّمَاوَاتِ وَالْأَرْضِ وَيَعْلَمُ مَا تُخْفُونَ وَمَا تُعْلِنُونَ{25} اللَّهُ لَا إِلَهَ إِلَّا هُوَ رَبُّ الْعَرْشِ الْعَظِيمِ{26}(( النمل))





أَلَّا يَسْجُدُوا لِلَّهِ !!!!!!!
شفت اد ايه زعلان ومستغرب الا يسجدوا لله !! الا لايسجدوا لله !!





تعالى شوف يا هدهد احنا مبنسجدش لربنا ف صلواننا المفروض علينا

بذمتك مش ده ظلم

عارف ايها الاحباء انى تجاوزت حدودى واكلمت بتشدد اوى على غير عادتى

بس والله انا بحبك اوى والله العظيم احبك فى الله ونفسى تبقى احسن الناس نفسى تبقى كويس وتخلينى ابقى كويسه زيك



طيب انا اسفه وحاسسه انى طولت اوى فى الكلام



لكن مع وعد بتكمله سلسله سلوكيات وتعاملات بس المره الجايه مع الناس ونضع الحلول لتغيير السلوكيات واللى نفس اخدها منكم وتشاركونى بالحلول العمليه



واليكم الملخص والحلول والواجب والتطبيق العملى فى سطور :



1- ظلم النفس بارتكاب الذنوب ايوه احنا بنغلط بس خير الخطائين التوابون
2- اذكر ربنا ع طول بعد ظلم نفسك لان دى من صفات المتقين

(( والذين اذا فعلوا فاحشه او ظلموا انفسهم ذكروا الله فاستغفروا لذنوبهم ومن يغفر الذنوب الا الله ولم يصروا على ما فعلوا )) ال عمران



3- اكثر من دعاء سيد الاستغفار



:4- اكثر من دعاء سيدنا يونس فهو مفتاح استجابه الدعاء كما فى صحيح السنه

5- واجب : من فضلك اذكر لنا دعاء سيد الاستغفار ودعاء ذا النون سيدنتا يونس

6- كفايه بقى ظلم وتعامل وحش مع نفسك صلى الفجر بقى

7- عاهد نفسك وقبلها ربنا انك تتغير من دلوقتى مش حفوت صلاه

9- فكك بقى من حبيبتك (( غير المرتبطين رسميا )) والله ربنا حيعوضك خير

10- فك انتى بقى من الحوارات دى وخلى نفسك انظف بنت

11- البسى بقى كويس ربنا يبارك فيكى يارب



12- شيل بقى الصوره الوحشه اللى فى توقيعك دى

13- متزعهلش بقى منى انا والله بحبك فى الله



14- لسه زعلان ؟ اسالك بالله ان لا تنسى اننا احسن الناس باسلامنا مارس اسلامك بحريتك وكما يريد ربك

15- ايها الملتزم واالملتزمه لا تستعجل الظروف اثبت اخى واثبتى ايوه والله انتى ربنا حيكرمك بالعبايه دى كل مره بتخرجى فيها من بيتك تاخدى حسنات لانك لابسه غير الناس وصابره بدينك وعفتك


16- كم انا محتاجه لدعواتكم بظهر الغيب بالهدايه والرضا والتوفيق





استودعكم الله





نفسى تخدونى الى الجنه ونتقابل هناك

هناك حنلعب مع بعض حنعمل كل حاجه مع بعض

نفسى تخدونى الى الجنه ونتقابل هناك

هناك حنلعب مع بعض حنعمل كل حاجه مع بعض





نفسى تخدونى الى الجنه ونتقابل هناك

هناك حنلعب مع بعض حنعمل كل حاجه مع بعض

مجرد انسان
عضو متميز
عضو متميز

عدد المساهمات : 272
تاريخ التسجيل : 10/02/2009
العمر : 35
الموقع : فنا ميدان السيد عبد الرحيم

http://dvd4arab.maktoob.com/showthread.php?t=493140

الرجوع الى أعلى الصفحة اذهب الى الأسفل

رد: استحلفكم بالله ايها الاعضاء كلكم ادخلوا

مُساهمة من طرف dr_mido_20012000 في الأربعاء مارس 04, 2009 9:49 pm

شكرا ليك يا أحمد علي الموضوع الهايل ده
وربنا يتوب علينا كلنا من اللي بنعمله غلط ولو كنا مش عارفين إنه غلط
تحياتي
dr_mido

_________________
ليس المهم أن تكون خارقا لكي تتبت وجودك.إكتفي بالمشاركة الحسنة هي التي سوف ترقى بك زهاء العلالي

www.shabab4adab.yoo7.com
أدخل وشارك معانا النجاح في منتدي شباب كلية أداب بقنا

dr_mido_20012000
Admin

عدد المساهمات : 3191
تاريخ التسجيل : 11/11/2008
العمر : 25
الموقع : www.svuq.co.cc

http://www.svuq.co.cc

الرجوع الى أعلى الصفحة اذهب الى الأسفل

رد: استحلفكم بالله ايها الاعضاء كلكم ادخلوا

مُساهمة من طرف محمد عادل في الخميس مارس 05, 2009 12:39 am

شكرا يا ابو حميد جزاك الله خيرا

محمد عادل
ViP
ViP

عدد المساهمات : 6291
تاريخ التسجيل : 12/12/2008

الرجوع الى أعلى الصفحة اذهب الى الأسفل

رد: استحلفكم بالله ايها الاعضاء كلكم ادخلوا

مُساهمة من طرف مجرد انسان في الخميس مارس 05, 2009 1:27 pm

تسلموا كلكم
بس مش المهم ان احنا نقرا وخلاص المهم ان احنا نغير السلوكيات دى لو كنا بنعملها او 1% منها حتى
ويارب نتقابل كلنا فى الجنه
وارجو منك نشر هذا الموضوع على اد متقدروا لكل اللى تعرفوهم واللى متعرفووهمش
فى البيت فى الكليه فى النادى فى المساجد فى الندوات فى المنتديات و ع الماسنجر
عشان ناخد بايادى ناس ضعيفه النفوس لكنها تحتاج لمثل هذا التشجيع
فربما ناخذ بايديهم ليعبروا جسر الامان ونلتقى جميعا فى الجنه ان شاء الله
امين
ربنا يجعله فى ميزان حسناتكم جميعا
وتذكروا دائما الدال على الخير كفاعله
ولكم مثل اجر من اهتدى على يدك
جزانا واياكم كل الخير

مجرد انسان
عضو متميز
عضو متميز

عدد المساهمات : 272
تاريخ التسجيل : 10/02/2009
العمر : 35
الموقع : فنا ميدان السيد عبد الرحيم

http://dvd4arab.maktoob.com/showthread.php?t=493140

الرجوع الى أعلى الصفحة اذهب الى الأسفل

رد: استحلفكم بالله ايها الاعضاء كلكم ادخلوا

مُساهمة من طرف Sahoora في الخميس مارس 05, 2009 11:24 pm

موضوع هايل
وكلام فى الصميم

بجد تسلم ايدك يااحمد جعله الله فى ميزان حسناتك
وربنا يتوب عليها ويهدينا اللهم امين

Sahoora
عضو متميز جدا
عضو متميز جدا

عدد المساهمات : 488
تاريخ التسجيل : 10/12/2008
العمر : 26

الرجوع الى أعلى الصفحة اذهب الى الأسفل

رد: استحلفكم بالله ايها الاعضاء كلكم ادخلوا

مُساهمة من طرف مروة في الأحد مارس 29, 2009 5:36 pm

بجد بجد بجد بجد كلام جميل جداااااااااااااااااا
و إن شاء الله هنتقآبل في الجنة و وووووووو و حاجات كتير إن شاء الله
و بنقول يا رب اهدينا جميعا ً
لا إله إلا الله محمد رسول الله

مروة
عضو فعال
عضو فعال

عدد المساهمات : 122
تاريخ التسجيل : 25/03/2009
العمر : 29

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى