البنات مقصفوين الرقبة دول خلاص إستقووا و افتروا

استعرض الموضوع السابق استعرض الموضوع التالي اذهب الى الأسفل

البنات مقصفوين الرقبة دول خلاص إستقووا و افتروا

مُساهمة من طرف مجرد انسان في الإثنين مارس 02, 2009 8:30 pm

يا أخي البنات مقصفوين الرقبة دول خلاص إستقووا و افتروا
إفتروا إيه ..قول توحشوا ..البنت من دول بقى يندب في عينها رصاصة

رايحة الشغل ..جاية من النادي ..رايحة الدرس ..راجعة من السينما
بقوا يتثبتوا ولا يتظبطوا و كله كوم و اللي حبست الواد اللي كان بيعاكسها دي كوم .
.فين بنات زمان ..ولا واحدة كانت بتفتح بقها

و كل يوم مؤتمر ..جمعية
لأ و مجلس قومي للمرأة كمان
طب و إحنا مالناش مجلس ليه؟

آه صحيح ليه؟


و قد كان ..قررنا نحن الإخوة الرجال المقهورون إننا صحيح رجالة ..بس من زمان ماوقفناش وقفة رجالة ..ضد سيطرة المرأة على كل مجريات الحياة..ضد زحف جحافل النساء و شراذم الفتيات على كل المهن و المواقع ..ضد مشيهم في الشارع ..ضد ركوبهم الميكروباصات ..ضد إعتراضهم لما حد يمد إيده كده والا كده ..ملعونييييين في كللللللل كتاااااااااب ..ما هم اللي بيجيبوه لنفسهم ..اللي ماشية لوحدها ..عشان نفسها تتعاكس..و اللي ماشية مع أبوها والا أخوها و إيش عرف الناس مين ده إن شاء الله ..و اللي راكبه عربية لوحدها ..مش عارفه إن الموضوع ده بيثير الغرائز و اللي راكبه مع واحد جنبها ..مش عارفة إن شرف البنت زي سلك الفرامل ؟..اللي لابسه قصير ..أستغفر الله العظيم ..و اللي لابسه طويل ..إلهي تولعوا بجاز ..ما احنا بنفضل نفكر يا ترى اللبس الطويل ده مخبيه تحته إيه؟ ..اللي خارجة في العيد الصغير دون أي إعتبار لإن الناس لسه خارجة من صيام ..و اللي خارجة في العيد الكبير و الناس نفسها مفتوحة ع اللحمة ..و كله كوم و اللي خارجة في عيد العمال دي كوم .. ما احنا معذورين لما نظن فيها الظنون لأن كل الناس عارفة إن عيد العمال ده هو عيد "المكن" ..ولا سابوا شغلانة إلا و اشتغلوها ..ولا سابوا دراسة إلا ودرسوها ....خايليننا في الرايحة و الجاية ..ماتكنوا في حتة و تريحونا بقى ..و تقعدوا في بيوتكم و تسيبونا ناكل عيش


و لهذا قررنا نحن (مجموعة من الصحفيين و أساتذة الجامعة و المهتمين بشئون
المجتمع و حقوق الإنسان) إننا نقوم بإنشاء مجلس قومي للرجل ..أسوة بالمجلس القومي للمرأة و مافيش حد أحسن من حد..أما عن مبادئنا فهي كما يلي


المبدأ الأول : إذا رأيت فتاة أو سيدة تتعرض لموقف سيئ في الشارع لا أساعدها..

ده على أساس إن الرجالة مقطعين بعضيهم مساعدات و الحكومة نزلتها على بطايق التموين
عشان كل راجل مايستعبطش و يساعد ست واحدة و بس


المبدأ الثاني: مقاطعة جميع المحلات والشركات التي تمتلكها أو تعمل بها فتيات أو سيدات..

قشطة جدا .. ..كده هتقضوا حياتكم فول و كشري و عصير قصب ...
.بدل المقهورون في الأرض,,هتبقوا المنتفخون في الأرض.. صحة و عافية إن شاء الله


المبدأ الثالث: مقاطعة المنتجات التي تظهر في الإعلانات التلفزيونية التي تقوم بها فتيات أو سيدات

طب إعملها كده ..أبو وردة هيسمعوه و هو بيعمل زووووو فوق نافوخك من آخر حارة في الصين

المبدأ الرابع: إذا كنت صاحب شركة أو محل أمتنع عن تعيين الفتيات والسيدات
وإذا كان لدي موظفات أقوم بفصلهن من العمل

طب إعملها كده ..أبو وردة هيسمعوه و هو بيعمل زووووو فوق نافوخك من آخر حارة في الصين


المبدأ الخامس: إذا كنت سائق تاكسي أو ميكروباص فلا أقوم بتوصيل النساء

عادي..هنقضيها تكاتك ..و يا توك توك الغرام يا ..مقرب البعيد


المبدأ السادس: المطالبة بالمساواة بين الذكور والإناث في تأدية الخدمة العسكرية

و الله ماعندنا مانع ..سلمونا انتوا بس الجيش ده 3 شهور و اتفرجوا عليه بعدها ..
جمعيات و أجازات و أذونات رضاعة ..احنا ما نتأخرش أبدا عن خدمة الوطن


تتوالى المباديء حتى المبدأ الرابع عشر :
الإمتناع عن الزواج من أي فتاة حاصلة على أكثر من الإعدادية أو مؤهل متوسط على الأكثر

دي شكلها تنفيضة قديمة من الفيونكة أيام الجامعة يا برنس

أما أكثر مباديء الجمعية أهمية على الإطلاق هو المبدأ التاسع عشر و الأخير
: إذا دخلت مصر حربا لا أدافع عنها

ده علشان مصر مؤنث مثلا والا إيه؟
العضوية مقتوحة لكل المقهورين من كافة الأعمار و الخلفيات ..
و لا عزاء للسيدات

يا وكستك يا برايد إنتي و اللي زيك ..هم دول اللي فاضلين بعد اللي راحوا في الحرب
و غرقوا في العبارة و اللي حاجزين في حادثة القطر اللي جاية؟..عليه العوض و منه العوض
لنا الله يا بنات

مجرد انسان
عضو متميز
عضو متميز

عدد المساهمات : 272
تاريخ التسجيل : 10/02/2009
العمر : 35
الموقع : فنا ميدان السيد عبد الرحيم

http://dvd4arab.maktoob.com/showthread.php?t=493140

الرجوع الى أعلى الصفحة اذهب الى الأسفل

رد: البنات مقصفوين الرقبة دول خلاص إستقووا و افتروا

مُساهمة من طرف هيام في الثلاثاء مارس 03, 2009 1:37 pm

هههههههههههههههههههههههههه
يخربيتك ياحمد ة انتا كد عاوز تموتنا كلنا وتعيش
فيها لوحد بس دة بعدك انتا والرجالة
بس ولا يهمك يا احمد عاوز تعمل منظمه لحقوق الرجل ال
وبعدين يا احمد اصلا معدشي فيه رجاله دلوقتي الراجل من دول عايز العروسه ال عندها شقه وعربيه وفلوس تصرف بيها عليه وعلي العيال ال هتجبهوم منه علي اساس المساواه
مساواه ايه ياحمد دة انتا فهمت الموضوع غلط ولا احنا ال فهمينه غلط ميضورش برضو بس المهم لو مصر دخلت حرب مين هيدافع عنها
شكلها إحنا وكل البنات ال زيينا
ماهي دي اخرتها بس احنا هنكون جيش جامد جدا لانينا هنكون مستبيعين وبيعين القضيه ال احنا اصلا مش فهمين فيها حاجه
وشكرا لحسن الاستماع

هيام
عضو جديد
عضو جديد

عدد المساهمات : 25
تاريخ التسجيل : 03/03/2009

الرجوع الى أعلى الصفحة اذهب الى الأسفل

رد: البنات مقصفوين الرقبة دول خلاص إستقووا و افتروا

مُساهمة من طرف dr_mido_20012000 في الثلاثاء مارس 03, 2009 2:26 pm

يا ااااه يا هيام ده أنت شكلك شايلة كتير عن الرجالة وبتكرهيهم ليه
وأنت شكلك داخلة هنا المنتدي تعلني الحرب علي الرجالة
تحياتي
dr_mido

_________________
ليس المهم أن تكون خارقا لكي تتبت وجودك.إكتفي بالمشاركة الحسنة هي التي سوف ترقى بك زهاء العلالي

www.shabab4adab.yoo7.com
أدخل وشارك معانا النجاح في منتدي شباب كلية أداب بقنا

dr_mido_20012000
Admin

عدد المساهمات : 3191
تاريخ التسجيل : 11/11/2008
العمر : 25
الموقع : www.svuq.co.cc

http://www.svuq.co.cc

الرجوع الى أعلى الصفحة اذهب الى الأسفل

رد: البنات مقصفوين الرقبة دول خلاص إستقووا و افتروا

مُساهمة من طرف hamada.elalamy في الثلاثاء مارس 03, 2009 2:32 pm

هههههههههههههههههههه

واحنا مستعدين للحرب

الى الجهاد يا رجالة

hamada.elalamy
ViP
ViP

عدد المساهمات : 3080
تاريخ التسجيل : 03/02/2009
العمر : 26
الموقع : مدينة القصير . البحر الاحمر

الرجوع الى أعلى الصفحة اذهب الى الأسفل

رد: البنات مقصفوين الرقبة دول خلاص إستقووا و افتروا

مُساهمة من طرف حسين صبرى في الثلاثاء مارس 03, 2009 8:24 pm

dr_mido_20012000 كتب:
يا ااااه يا هيام ده أنت شكلك شايلة كتير عن الرجالة وبتكرهيهم ليه

وأنت شكلك داخلة هنا المنتدي تعلني الحرب علي الرجالة

تحياتي

dr_mido

يا عم ميدو انت وحماده البنات من زمااااااااان مهزووووومين انتو نسيتوا توبيكاتى ولا ايه يا رجاله ههههههههههههههه , واى حاجه جديده احنا جاهزيين لمواجهة الاعداء ومسلحين ومدججين بكافه انواع الاسلحه المعروووووفه والغير معروفه كمان ههههههههههههه .

حسين صبرى
ViP
ViP

عدد المساهمات : 1374
تاريخ التسجيل : 09/12/2008
العمر : 29
الموقع : قنا _ شارع مصنع المكرونه على طريق مصر \ اسوان

الرجوع الى أعلى الصفحة اذهب الى الأسفل

رد: البنات مقصفوين الرقبة دول خلاص إستقووا و افتروا

مُساهمة من طرف حسين صبرى في الثلاثاء مارس 03, 2009 8:25 pm

ومشكور على التوبيك يا ابو حميييد .

حسين صبرى
ViP
ViP

عدد المساهمات : 1374
تاريخ التسجيل : 09/12/2008
العمر : 29
الموقع : قنا _ شارع مصنع المكرونه على طريق مصر \ اسوان

الرجوع الى أعلى الصفحة اذهب الى الأسفل

رد: البنات مقصفوين الرقبة دول خلاص إستقووا و افتروا

مُساهمة من طرف dr_mido_20012000 في الثلاثاء مارس 03, 2009 9:53 pm

معلش يا حسين اصل هيام لسه جديدة معانا في المنتدي ومتعرفش الحاجات دي فحبيت أشرحلها يعني
وإحنا أكيد جاهزين لأي مواجهة إن شاء الله
تحياتي
dr_mido

_________________
ليس المهم أن تكون خارقا لكي تتبت وجودك.إكتفي بالمشاركة الحسنة هي التي سوف ترقى بك زهاء العلالي

www.shabab4adab.yoo7.com
أدخل وشارك معانا النجاح في منتدي شباب كلية أداب بقنا

dr_mido_20012000
Admin

عدد المساهمات : 3191
تاريخ التسجيل : 11/11/2008
العمر : 25
الموقع : www.svuq.co.cc

http://www.svuq.co.cc

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى