صباح ( النور ) ..

استعرض الموضوع السابق استعرض الموضوع التالي اذهب الى الأسفل

صباح ( النور ) ..

مُساهمة من طرف مجرد انسان في الأحد مارس 01, 2009 5:01 pm

عارف ..
ايه اللى عمله نور فى الدنيا ..
خلاص .. الناس اتهبلت ..
انا مابقولش ماتبعوش مسلسلات وتلفزيونات .. بقول خليكوا عاقلين ..
طبعاً مش فاهمين ..
نرجع للقصة من الاول ..
مسلسل نور .. مسلسل تركي يعرض على الام بي سي ..
يحكي قصة حب بين بطليه نور ومهند بيحبوا بعض .. وحاجة اشطة ..
مهند عاطفي اوي زيادة عن اللازم .. دا غير وسامته الملحوظة الزايدة عن الحد لكونه راجل ( اه غيران مالكش دعوة ) ..
المهم ..
ناس كتير تابعت العمل المدبلج فى كل الدول العربية ..
وحبوا المسلسل ..
او بمعنى ادق .. حبوا الابطال .. وخصوصاً النساء العرب .. حبوا عمو مهند ..
اسمحلي ارفعلك القبعة يامهند .. انك قدرت تشغل عقل الستات ( يارب بحاجة مفيدة ) ..
طبعاً فى اخبار لذيذة تخص الموضوع دا ..
اقروا الاخبار دي .. ومعلش اسف على المصدر ..

واحد | اتنين | تلاتة

نيجي للرجالة الغيرانين .. والستات المجانين ..
اولاً الستات ليهم حق .. بصراحة الراجل العربي ” الشائع عنه ” انه مش عاطفي .. مش حنون .. مش مش مش .. من الاخر مش الفارس بالحصان الابيض .. إلا قليل ..
وطبعاً الستات عندنا ايام ماكانوا بنات والبنات اللى لسة بنات .. مفاهيمهم متظبطه من الافلام والمسلسلات اللى شافوها ..
والحياه الوردية والحب الافلطوني والكلام الفاضي دا ..

وكأن المشاكل والدنيا خلصت عشان الناس تركز اوي فى “جمال” مهند ..
خلاص الدنيا فضيت بقى .. ومافيش مشاكل ..
ومافيش طوابير عيش .. ومافيش غلاء .. والشقق موجودة .. والحديد ببلاش .. والحشيش منعوه .. والزمالك كسب الاهلي .. وخلاص ..
الدنيا فضيت ..
اخدنا فلسطين ورجعنا العراق وحررنا لبنان .. وخلاص الدنيا الجميلة ..
والادهى من كدا ان فى ناس تخش تعلق تعليقات حلوة على الاخبار التلاته اللى فوق ..
انا عاوز افهم .. ليه كل الاهتمام دا ؟
هو عشان الناس مش لاقية حاجة تعملها ؟
ماحدش يقولي احنا فى ايدنا ايه .. احنا عبد المأمور ..
ومين اللى خلى مأمور مأمور ؟
احنا اللى خليناه مأمور ..
ماكان الذئب ليكون ذئباً لو لم تكن الخراف خرافاً ..
وصباح ( النور )

مجرد انسان
عضو متميز
عضو متميز

عدد المساهمات : 272
تاريخ التسجيل : 10/02/2009
العمر : 35
الموقع : فنا ميدان السيد عبد الرحيم

http://dvd4arab.maktoob.com/showthread.php?t=493140

الرجوع الى أعلى الصفحة اذهب الى الأسفل

رد: صباح ( النور ) ..

مُساهمة من طرف محمد عادل في الأحد مارس 01, 2009 7:20 pm

اية العبرة اللى فى الموضوع يعنى

محمد عادل
ViP
ViP

عدد المساهمات : 6291
تاريخ التسجيل : 12/12/2008

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى