كان ابويا الحاج كمال بيقولى حاول تتغير الجزء الاول

استعرض الموضوع السابق استعرض الموضوع التالي اذهب الى الأسفل

كان ابويا الحاج كمال بيقولى حاول تتغير الجزء الاول

مُساهمة من طرف مجرد انسان في الخميس فبراير 19, 2009 12:52 pm

انا احمد كمال يوسف من قنا قصة من حياتى الشخصية

كان ابويا الحاج كمال يوسف وانا صغير بيقولي خد صاحبك على عيبه وكان يقصد بكدة ان ما دمت رضيت بيه صاحبك وهو فيه عيب معين ممكن تتجنب التعامل معاه فى العيب ده بس متخسروش لانى زمان كنت لما بلاقي واحد صاحبي مثلا بيعاكس بنت او بيشرب سجاير او بيعمل اي حاجة مش بتعجبني كنت ببعد عنه واقاطعه تقريبا ... والحكاية دي خلتني اعرف اتعامل مع اصحابي واعرف اقرب منهم ... وبدات بقى احاول اغير فيهم الحاجات دي وفيه منهم اللى كان بيقبل النصايح وفيه منهم اللى كان بيقولي انا كدة ومش هتغير وكنت برضى بيه زي ما هو برضه وبكمل حياتي معاه .
ولكن فكرة التغيير فضلت برضه فى دماغي ياترى لو قابلت حبيبتي وكان في حاجة فى تصرفاتها او فى طبيعتها مش عجباني لازم تتغير واللا برضه احبها كدة زي ما هيا
فيه فى الموضوع ده شوية نظريات بقى زي نظرية (( انا زي منا ومش هتغير علشان اي بني ادم )) ودي نظرية الواثق جدا فى نفسه او اللى حاول يتغير قبل كدة علشان حد واتصدم فيه فى الاخر فا قرر انه ميتغيرش نهائي علشان اي حد ولو قلتله طبيعي اننا نحاول نرضي اللى بنحبهم هتلاقي الاجابة فى وشك على طول .. هو لما الحد ده حبني مش حبني زي منا كدة واللا كان شايف حد تاني ...
وفيه نظرية (( علشان حبيبي اعمل اي حاجة )) ودي اصحابها بيبقوا ناس طيبيب وغالبا بتبقى تجاربهم قليله حبتين وجواهم اتجاه لحب اللى حواليهم ومحاولة ارضائهم باي شكل
وفيه بقى نظرية جبارة اصحابيها واخدين مبدا فظيع تحس انهم تجار مخدرات مثلا والنظرية دي اسمها (( هات وخد )) يعني م الاخر كدة لو هو مش موافق يتغير علشاني انا مش هتغير علشانه والحياه بطبيعتها هات وخد لازم الكل يقدم تنازلات مش واحد بس ..
بيني وبينكو كدة فيه فى كل نظرية من النظريات جزء سليم شويتين بس فكرة التغيير برضه شايفها تستحق التفكير والتدقييق وابص الاول انا بتغير ليه ولمين وياترى التغيير ده كويس واللا لا فى العموم وياترى اتغير فى الاساس لنفسي واللا اتغير علشان حد معين عاوزني كدة
انا عن نفسي بنصح دايما بالتغيير للاحسن ايا كان ايه السبب المهم نبقى احسن .... وحاول تتغير

مجرد انسان
عضو متميز
عضو متميز

عدد المساهمات : 272
تاريخ التسجيل : 10/02/2009
العمر : 35
الموقع : فنا ميدان السيد عبد الرحيم

http://dvd4arab.maktoob.com/showthread.php?t=493140

الرجوع الى أعلى الصفحة اذهب الى الأسفل

رد: كان ابويا الحاج كمال بيقولى حاول تتغير الجزء الاول

مُساهمة من طرف محمد عادل في الخميس فبراير 19, 2009 4:19 pm

يا احمد بجد موضوع هايل كان نفسى فى فكرة موضك دى تتنفذ من زمان فى المنتدى بيان كل يوم مثلا عضو يتكلم على نفسة وكدة نايس توبيك يا ابو حميد

محمد عادل
ViP
ViP

عدد المساهمات : 6291
تاريخ التسجيل : 12/12/2008

الرجوع الى أعلى الصفحة اذهب الى الأسفل

رد: كان ابويا الحاج كمال بيقولى حاول تتغير الجزء الاول

مُساهمة من طرف hamada.elalamy في الخميس فبراير 19, 2009 5:14 pm

ياريت والله يا محمد عادل يكون فى موضوع كدة

hamada.elalamy
ViP
ViP

عدد المساهمات : 3080
تاريخ التسجيل : 03/02/2009
العمر : 26
الموقع : مدينة القصير . البحر الاحمر

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى